Հեղինակ / Author

Սիրելի այցելուներ, ես ողջունում եմ ձեզ իմ գրական-ստեղծագործական, անձնական բլոգ-կայքում, որը վեբկայքի ու բլոգի յուրօրինակ համադրություն է: Այն ստեղծել ու վարում եմ ինքս (2011 թվականի ապրիլ ամսից): Սույն բլոգ-կայքի միջոցով պատիվ ունեմ ներկայացնելու ձեզ իմ ստեղծագործական գործունեությունը:

Բլոգն ունի բացառապես գրական-ստեղծագործական ու բնապահպանական բովանդակություն և ուղղություն՝ ներկայացնելով իմ գեղարվեստական հեղինակային աշխատանքները, այն է՝ տպագրված և տպագրվելիք գրքերս, արձակ և չափածո ստեղծագործություններս, բնապահպանական ու բնաճանաչողական ընդգրկմամբ հեղինակային նյութերս, նկարչական և լուսանկարչական նախասիրություններս և այլն:

Բլոգում բացառված են քաղաքական երանգավորումները, սա քաղաքական բլոգ չէ, ոչ մի հրապարակում իր մեջ չի պարունակում քաղաքական որևէ երանգ: Տարբեր իրադարձությունների իմ կողմից լուսաբանումն էլ կրում է բացառապես տեղեկատվական բնույթ: Եթե գտնում եմ, որ նյութը թեմատիկ առումով համապատասխանում է իմ բլոգին և կարող է հետաքրքիր լինել ընթերցողներիս, ապա զետեղում եմ այն:

Սույն բլոգը կարծիքների փոխանակման բարեկամական, քաղաքակիրթ ու անկեղծ վիրտուալ միջավայր է, էլեկտրոնային հեղինակային մի ուրույն տիրույթ: Բլոգը բոլոր այն ազնիվ ու պարկեշտ ընթերցողների համար է, ովքեր սիրում են կյանքը, սիրում են մարդկանց, կենդանիներին ու բույսերին, բնությունն՝ ընդհանրապես, սիրում են գեղեցիկը, բարիությունը, հումորը:

Բլոգում հանրությանը ներկայանում եմ բացառապես մաքուր ու գրագետ հայերենով` այդպիսով իմ համեստ ջանքերով նպաստելով մայրենի լեզվի անաղարտության պահպանմանը և մայրենիով հաղորդակցվելու քարոզչությանը:

Ուրախ եմ, որ աշխարհին և, հատկապես` հայալեզու այցելուներին ուղղված այս բլոգը կարճ ժամանակում մեծ ճանաչում ձեռք բերեց և ջերմ գնահատանքի արժանացավ ընթերցողների, բլոգոլորտի առաջատար ներկայացուցիչների և, առհասարակ, համացանցի (այդ թվում՝ սոցիալական ցանցերի) բոլոր համակիրների, համացանցը ճիշտ ու խելամիտ օգտագործողների շրջանում:

ԲԼՈԳԻ ՍՏԵՂԾՄԱՆ ՆԱԽԱՊԱՏՄՈՒԹՅՈՒՆԸ ԵՎ ԶԱՐԳԱՑՈՒՄԸ

Որպես ստեղծագործող մարդ՝ գրում եմ դեռ 90-ականներից, իսկ նկարում՝ մանկուց: Ստեղծագործաբար մոտենում եմ ամեն ինչին, ոչ միայն արվեստի բնագավառում նոր գործ ստեղծելիս, մի նոր գրական ստեղծագործություն գրելիս կամ նկարելիս, այլև շրջակա աշխարհի, իրերի ու երևույթների, մարդկանց հետ հարաբերվելիս: Կյանքը և աշխարհը ստեղծագործաբար ու գեղագիտորեն ընկալելու և վերարտադրելու իմ ճանապարհին, բացի տպագիր հրատարակություններից, մշտապես ցանկանում էի ունենալ նաև հանրությանը ներկայանալու այլ հնարավորություն` օգտագործելով ժամանակի տեղեկատվական գործիքարանը, ինչը ասելիքը մարդկանց փոխանցելու արդի միջոց է:

2011 թվականի ապրիլին, իմ լավ ընկերներից մեկի խորհրդով, բացեցի հեղինակային բլոգ միջազգային հեղինակավոր «Wordpress» բլոգային տիրույթում: Բլոգիս ստեղծմանը և մշակմանը մոտեցել ու մոտենում եմ շատ պատասխանատու և լրջախոհ դիրքերից, չափազանց խնամքով ու փութաջանորեն, որպեսզի աշխատանքս գտնի արժանի, համարժեք ու բարեկիրթ արձագանք:

Համարում եմ, որ հայկական ցանկացած կայացած կայք հաղթանակած է, եթե իր գոյությունը արդարացված է, հիմնավորված և օգտակար, ասելիքը ուրույն է ու գրագետ, գործունեությունը սիրված է ու սպասված, բովանդակությունը հարուստ է, հետաքրքիր ու բարեկիրթ, իսկ այցելուների բանակն էլ շինծու չէ, և նրանց արձագանքներն էլ անկեղծ են: Այսպիսի ցանկացած հայկական կայք արդեն հաղթանակած է, և ես անսահման ուրախ եմ, որ այս դաշտը հետզհետե ավելի ու ավելի է զարգանում, հղկվում, բյուրեղանում: Ես էլ եմ գործում այս դաշտում և, բնականաբար, ինքս էլ շահագրգռված եմ, որ հայկական բլոգոլորտը մշտապես առաջընթաց գրանցի ու զարգանա:

Վարելով, հետևողականորեն կատարելագործելով ու զարգացնելով բլոգս՝ մասնագիտական առումով ձեռք բերեցի արժեքավոր, զգալի իմացություն և փորձ, ինչն ինձ իրավունք տվեց նախաձեռնելու նաև այլ բլոգների ստեղծում և վարում (Օրինակ՝ «ՀՀ ՊՆ «Հայկական բանակ» ռազմագիտական հանդեսի «Ռազմավարագետ» պաշտոնական բլոգը», ««International Conference “Regional Security Dynamics in the South Caucasus» իրադարձային բլոգը», «Արսինե Շահվերդյանի ձեռքի աշխատանքների «Իմ աշխարհը» բլոգը», «Համբարձում Քեչաջյանի աշխատանքների անհատական բլոգը», «ՀՀ ԳԱԱ թղթակից-անդամ, դոկտոր, պրոֆեսոր Նիկոլայ Հովհաննիսյանի անհատական բլոգը», «Animal Lovers’ Blog»-ը, ««Նավասարդ ազգային զարթոնք» հասարակական կազմակերպության պաշտոնական բլոգը»): Դրանց պարբերաբար անդրադառնում եմ ու պատշաճ կերպով լուսաբանում:

Այսօր իմ բլոգն ունի բազմահազար ընթերցողներ Հայաստանում և Հայկական Սփյուռքում: 2012 թվականի հունիս ամսից բլոգը դարձրեցի երկլեզու` հայերեն և անգլերեն (նյութերը անգլերեն թարգմանում եմ ինքս), ինչը հնարավորություն տվեց, որպեսզի բլոգը լայն տարածում գտնի նաև արտասահմանում, օտարազգի ընթերցողների, բլոգերների, օգտատերների շրջանում` ձեռք բերելով հսկայական լսարան, բլոգի բազմաթիվ նոր ընկերներ, համախոհներ և «follower»-ներ:

Սակայն երբեք կանգ չեմ առնում արդեն ձեռք բերվածի վրա, և մշտապես փորձում եմ անել ավելին: Լինելով էությամբ պերֆեկցիոնիստ (կատարելության ձգտող) մարդ` ինչ-որ բան ձեռնարկելիս աշխատում եմ անել կամ լավ, կամ չանել, միջակություն չեմ սիրում:   

Բազմամյա բլոգիս ձեռքբերումների մասին կարող եք կարդալ «Բլոգի մասին» և «Մրցանակներ» էջերում:

ԿԱՊԸ ԸՆԹԵՐՑՈՂՆԵՐԻ ՀԵՏ

Հեղինակային բլոգս վարելու ամբողջ ընթացքում շարունակում եմ ձեռք բերել իմ ստեղծագործական գործունեությանը համակրող ազնիվ ու պարկեշտ բազմաթիվ լավ բարեկամների, ուշադիր և հավատարիմ ընթերցողների, ինչը մեծագույն ձեռքբերում է համացանցում և կյանքում: Ինձ համար՝ որպես գրողի և բլոգի հեղինակի, պատվաբեր է ունենալ ընթերցողների այսպիսի լայն ու բազմազգ շրջանակ:

Ուրախ եմ, որ մարդիկ շատ հաճախ են այցելում բլոգս` պարբերաբար թողնելով իրենց կարծիքները, տպավորությունները: Դա վկայում է, որ բլոգը ստացվել է և որ այն չմնաց պարզապես բլոգի շրջանակներում, այլ իր բովանդակային լայն ընդգրկումով, կառուցվածքային բազմաշերտությամբ և որոշակի նորարարություններով հստակորեն առանձնացավ ու հետաքրքրեց շատերին: Սա իմ բնորոշումները չեն, այլ բլոգ-կայքիս այցելուների կարծիքների համախումբը:

Ի դեպ, այցելում ու կարդում են տարբեր տարիքի, նախասիրությունների ու մասնագիտությունների տեր մարդիկ, մեծ է, հատկապես, այցելությունների քանակությունը նաև սոցիալական կայքերից: Բլոգս այնքան բազմաշերտ է, որ այստեղ իրենց համար հաստատ հետաքրքիր և օգտակար նյութ կգտնեն տարբեր հետաքրքրությունների տեր մարդիկ, նեղ մասնագիտական տիրույթի և համացանցի՝ առավել լայն շրջանի օգտագործողները:

Բացի այդ, կարծում եմ, որ այցելուն ցանկացած բլոգից պետք է ոչ միայն իրեն համար օգտակար ու հետաքրքիր նյութ քաղի, մի նոր ու հետաքրքիր բան իմանա, այլև բլոգ այցելելիս ստանա նաև գեղագիտական հաճույք: Այդ է պատճառը, որ շատ խիստ ու հետևողական եմ մոտենում բլոգի ձևավորման գեղագիտական կողմին: 

Սիրելի բարեկամներ, ջերմորեն ու սիրով ողջունում եմ և իմ երախտիքի խոսքը հղում բոլոր նրանց, ովքեր ամեն օր ժամանակ են գտնում այցելելու իմ հեղինակային բլոգ, ամենօրյա զբաղվածության հետ մեկտեղ կարողանում են ժամանակ գտնել ու հաճույքով հետևել բլոգիս գործունեությանը, կարդալ նյութերը՝ մի պահ կտրվելով առօրեական հոգսերից, աշխատանքից և հաղորդակցվելով բարության, բնության, գեղագիտականի հետ: Շատ շնորհակալ եմ ձեզ: Ես կարևորում եմ յուրաքանչյուր այցելուի ուշադրությունը, կարծիքն ու անկեղծ գնահատանքը:

Անչափ ուրախ եմ, որ շատերն ամեն օր սպասում են բլոգի նոր նյութերի, ինչը փաստում է, որ կա ընթերցողների մի մշտական լայն շրջանակ, որը հետաքրքրությամբ ու համակրանքով հետևում է իմ մտքերին, ստեղծագործություններին: Սա ոչ միայն անսահման շոյիչ է ու հաճելի, այլև խիստ պարտավորեցնող հանգամանք է, ինչպես նաև տալիս է արդեն արված աշխատանքի ճշգրիտ գնահատումների և բլոգ-կայքիս զարգացման համատեքստում հետագա անելիքների ռազմավարության մշակման հնարավորություն: 

Այն, որ բլոգս շատերի կողմից բարձր է գնահատվում, ինձ մշտապես ներշնչում է, որ ճիշտ ուղղու վրա եմ և պետք է շարունակել նույն եռանդով ու ոգով՝ գիտակցելով, որ այն ինչ անում ես իզուր չէ, այն ինչ անում ես արժանանում է ուշադրության և  գնահատանքի: Այսուհետև նույնպես շարունակելու եմ նույն պատվախնդրությամբ և էներգիայով: Այլ կերպ լինել ես չեմ կարող: Բլոգս վարում եմ մեծ հաճույքով իմ բոլոր սիրելի ընթերցողներիս համար, ու ինքս էլ մեծ բավականություն եմ ստանում դրանից: Ընթերցողների կողմից ընդունված լինելը, նրանց ջերմ գոհունակությունը, նվիրումը, անկեղծ գնահատանքն ու հիացմունքը, սատարումն ու քաջալերումը, ազնիվ ընկերությունը այն մեծագույն պարգևներն են, որոնց արժանանում է հեղինակը: Այդ ամենը պատիվ է բերում ցանկացած հեղինակի:

Ուզում եմ ևս մեկ անգամ խորին երախտագիտությունս հայտնել ձեզ` բլոգիս սիրով հետևելու համար: Ես առիթ և պատիվ եմ ունեցել դիմելու ձեզ նաև «Խոսք ընթերցողներիս» հոդվածով: Ուրախ կլինեմ, թե մեկ անգամ էլ ընթերցեք այն:

Շատ կարևորում եմ այն հանգամանքը, որ ոչ թե միայն այցելուն պետք է գնահատի կայքի հեղինակի աշխատանքը, այլև ինքը կայքի հեղինակը, ինքը ստեղծագործողը պետք է մեծապես ու մշտապես կարևորի իր բոլոր ընթերցողներին, իր կայքի բոլոր այցելուներին, գնահատի նրանց կարծիքը, ուշադրությունը, վերաբերմունքը, հարգանքը: Միայն այդ դեպքում ստեղծագործողը իսկապես սիրվում ու գնահատվում է, վայելում հարգանք: Միայն այդպիսի փոխադարձ հարգանքի ու անկեղծության վրա է խարսխվում հեղինակ-ընթերցող բարի փոխհարաբերությունը և անխախտ կապը:

Այն կարևոր, ոգևորիչ կապը, որը այս բլոգի միջոցով ստեղծվել է իմ և ձեր միջև, շատ թանկ է ինձ համար: Այդ կապը ծառայում է որպես ավելի ոգևորված ու խանդավառված աշխատելու ներշնչանքի աղբյուր:

-Եվ այսպես, պարոնա՛յք երդվյալ ատենակալնե՛ր, – ինչպես ասում է իմ շատ սիրելի հերոս Օստապ Բենդերը` «Ոսկե հորթը» ֆիլմում, – նիստը շարունակվո՛ւմ է, զորահանդեսի հրամանատարը ե՛ս եմ: Բլոգը, որը վարում եմ արդեն քանի տարի, ժամանակին սկսվեց որպես մի հավակնոտ ու համարձակ նախաձեռնություն (ինչպես նույն Բենդերի համարձակ ծրագրերը) և շարունակվում է առ այսօր: Ես համոզված եմ, որ այս պրոցեսը, այս հաճելի զբաղվածությունը լինելու է միշտ, անկախ նրանից դա կլինի բլոգ` «Wordpress»-ում, թե առանձին կայք (որտեղ շատ խնամքով ու բարեխղճորեն կտեղափոխեմ բլոգի ամբողջ բովանդակությունը): Կարևորն այն է, որ այս ամենը միշտ է լինելու, բլոգ-կայք ունենալու եմ միշտ ու փորձելու եմ մշտապես լինել հետաքրքիր, սպասված և նոր: Ի դեպ, ինչ վերաբերվում է նորույթներին, ապա դրանցով բլոգս, կարծում եմ, մշտապես առանձնանում է դեռ ստեղծման օրվանից:

Սիրելի այցելուներ, եզրափակելով խոսքս՝ նշեմ, որ այս հիասքանչ կյանքը մենք ապրում ենք ընդամենը մի անգամ: Եվ ուրեմն արժանապատվորեն քայլենք մեզ վերապահված ճանապարհով` փորձելով ազնվորեն, պատվախնդիր ապրելակերպով և նույնքան պատվախնդիր գործունեությամբ հաստատել մեր տեղն այս արևի տակ, մեր ապրելու ու արարելու իրավունքը:

Այսքանը: Շնորհակալություն ուշադրության համար: Մաղթում եմ հաճելի և օգտակար ժամանց իմ բլոգ-կայքում:

Հարգանքով և բարեկամաբար`
Առլեն Շահվերդյան
Գրող, բանաստեղծ, բլոգեր, «ArlenShah.wordpress.com» բլոգ-կայքի հիմնադիր հեղինակ և վարող 

© Բոլոր իրավունքները պաշտպանված են, 2011:
© All Rights Reserved, 2011.
Սույն էջի ստեղծումը՝ 2011 թ. ապրիլի 13-16, հունիսի 24, վերախմբագրումը՝ 30.11.2014:

Էլ. փոստ:  shahverdyan.arlen@gmail.com

Дорогие друзья, я рад приветствовать Вас в моем личном авторском блоге, который является уникальным сочетанием веб-сайта и блога. Этот блог создал я и управляю им с апреля 2011 года. Я имею честь представлять в своем блоге мои авторские работы. Здесь есть и другая интересная информация. Я надеюсь, что вы ознакомитесь с блогом с интересом и будете активно участвовать, оставляя ваши искренние комментарии и оценки.

Этот блог-сайт доброжелательная, дружеская, вежливая и честная виртуальная среда обмена мнениями, уникальная электронная область для контакта между автором и каждым посетителем блога.

Я рад, что мой блог за короткое время приобрел большую популярность и получил искреннюю признательность ведущих веб-сайтов, блогов и социальных сетей в интернете. Среди всех тех, которые являются сторонниками правильного, честного и разумного использования интернета.

Я всегда относился и отношусь к оформлению, дизайну, содержанию блога серьезно и с большой ответственностью. В результате, сделанная работа всегда имела и имеет адекватный, достойный отзыв со стороны читателей, со стороны всех тех, которые любят, уважают и интересуются моим творчеством.

Этот блог отражает мое авторское творчество, авторскую мысль, результатом которых являются мои опубликованные книги, произведения в стихах и прозе, научные статьи, художественное искусство и фотографические предпочтения.

Я пытаюсь представить мои мысли, мои блогерские статьи исключительно грамотным и чистым языком, способствуя тем самым, сохранению чистоты языка и риторики.

С июня 2012 года я сам перевожу свои статьи также на английский язык. Это помогло расширить мою аудиторию по всему миру: и сегодня мой сайт имеет очень много иностранных читателей.

Моей целью всегда было и остается писать, сочинять. Создав этот блог я создал возможность представить людям мое творчество, а не оставлять мои работы на полке. Я творил и сочинял всю мою жизнь и очень хотел создать новою возможность для представления моей деятельности, используя новые возможности и технологии.

Я рад, что люди часто бывают здесь, регулярно оставляя свои мнения, высказывая впечатления. Это показывает, что этот сайт удался и, что он не остался только в пределах обыкновенного блога, благодаря своему широкому и разнообразному содержанию, своей структуре и новизне, выделился и заинтересовал многих. Это не мое определение, а совокупное мнение посетителей моего блога. Кстати, посещают и читают люди разного возраста и предпочтений. Особенно большое число людей приходят из социальных сетей.

Я приветсвую всех моих посетителей. Я очень счастлив, что все больше и больше людей каждый день с нетерпением посещают мой блог и ждут моего нового материала. Это доказывает, что уже существует широкий круг читателей, которые каждый день с интересом и сочувствием следят за моими мыслями, что является не только приятным, но и обязующим обстоятельством. Это также дает точную оценку уже проделанной работе и возможность обработки стратегии дальнейших действий в контексте развития моего блога.

Спасибо вам большое за ваше внимание и за время. Я очень ценю то, что в течении своего занятого дня, на ряду со своими повседневными заботами, вы, мои читатели, находите время для посещения этого блога и для чтения моих произведений.

Я особенно хочу подчеркнуть, что этот блог призван найти единомышленников, дать им арену для самовыражения, найти честных и порядочных людей, которые любят жизнь, любят людей, животных и растения, природу в целом, любят красоту, доброту и юмор.

Я особенно хочу, еще раз, подчеркнуть, что этот блог имеет только творческое и экологическое направления, представляя художественные и научные произведения, а также авторские статьи про дикую природу и про охрану природы.

Поэтому, в блоге исключена политика и его публикации не содержат никаких политических предпочтений.

Уважаемые читатели, эту замечательную жизнь мы живем только один раз. Так давайте с достоинством пройдем дарованный нам путь, пытаясь честно установить наше место под солнцем, и наше право жить и творить.

С уважением,
Арлен Шахвердян
Писатель, поэт, блогер, создатель блога “ArlenShah.wordpress.com”.
Перевод сделан автором, 21.09.2012, © Все права защищены, 2012.

***

Dear friends, my dear readers, I welcome you to my personal author’s blog that is a unique combination of website and blog. I created this blog and have run it since April, 2011. I am honored to introduce in my blog my original works. There is a lot of other interesting information too. I hope that you’ll read the blog with interest and will leave your sincere comments and ratings.

This blog is virtual environment of welcoming, friendly, polite and honest exchange of views, as well as a unique area of electronic contact between the author and every visitor of the blog.

I am glad that in short time my blog became very popular and received sincere appreciation from leading web sites, blogs and social networks on the Internet. Among all those who are supporters of the correct, fair and reasonable use of the Internet.

I have always regarded and now regard to the blog’s design and content seriously and with great responsibility. As a result, the work done has always been appreciated, has always received adequate and decent reviews from the readers, from all those who love, respect and are interested in my work.

This site is dedicated to my author’s creation, the author’s thoughts, the results of which are my published books, works in prose and poetry, research papers, paintings and photographic preferences.

I try to present my thoughts, my blog articles and posts only in competent and pure language, thus preserving the purity of language and rhetoric.

Since June, 2012 I have translated myself my articles also into English. This helped to enlarge my audience in the world, and now my site has a lot of foreign readers.

My goal has always been to write and create. By creating this blog I have created an opportunity to present my work to people, and not leave my work on the shelf. I have worked and created all my life and wanted to create new opportunity to present my activity, using new features and technology.

I’m glad that people are often here, regularly leaving their comments, opinions and impressions. This shows that the site has succeeded and that it has not stayed only on the level of an ordinary blog, but because of its broad and diverse content, as well as its structure and novelties it stood out and is interesting to many people. That’s not my definition, but the cumulative opinions of visitors of my blog. By the way, my blog is visited and read by people of all ages and preferences. Particularly large number of people come out of social networking.

I salute all of my visitors. I am very happy that more and more people visit my blog and looking forward for new posts, waiting for my new materials. This proves that there is a wide range of readers, who every day follow my thoughts with interest and sympathy. This is not only enjoyable, but also obliges. It also gives an accurate assessment of the work already done and the ability to handle a strategy for further actions in the context of my blog development.

Thank you very much for your attention and time. I really appreciate the fact that during your busy day, during your daily routine you – my readers, find time to visit my blog and read my posts.

I especially want to emphasize that this blog is intended to find like-minded people, to give them an arena for self-expression, to find honest and decent people who love life, love people, animals and plants, nature in general, love beauty, kindness and humor.

I particularly want to emphasize again that this blog is extremely creative and environmental, presenting artistic and scientific works of the author, his creative personality, as well as author’s articles about wildlife and nature conservation.

On this blog the policy is excluded, this is not a political blog, and its publications do not contain any political preferences.

Dear readers, this wonderful life we live only once. So let’s pass through with the dignity the way given to us, honestly trying to justify our place under the sun, and our right to live and create.

With deep respect,
Arlen Shahverdyan
Writer, poet, blogger, founder of the “ArlenShah.wordpress.com”
Translated by the Author in 21.09.2012, © All Rights Reserved, 2012.

© Սույն հոդվածի հեղինակային իրավունքները պաշտպանված են, արգելվում է այն օգտագործել կամ հրապարակել մամուլում, կայքերում և սոցիալական ցանցերում՝ առանց հոդվածի հեղինակի և կայքի անունը նշելու: