Աղոթք. «Քրիստոս ծնավ և հայտնեցավ». «Մեզ և Ձեզ Մեծ Ավետիս»

Քրիստոս ծնավ և հայտնեցավ: Մեզ և Ձեզ Մեծ Ավետիս:
Օրհնյալ է Հայտնությունը Քրիստոսի:

Սիրելի՛ Հայրենակիցներ, շնորհավորում եմ Աստծո Որդու ծննդյան բարի ու հրաշափառ ավետիսի առթիվ:
Թող Քրիստոսի Սուրբ ծննդյան տիեզերաարար ճրագը սիրո և երջանկության լույսով լցնի Ձեր Ընտանիքները և խաղաղություն ու զորություն բերի մեր սիրելի Հայրենիքին:

Հավատանք Աստծուն եւ համախմբվենք ազգային եկեղեցու շուրջ. Հայ Առաքելական Սուրբ Եկեղեցին մեր ազգային մեծագույն արժեքներից եւ հայ ինքնության կարեւորագույն բնութագրիչներից մեկն է։

Խոնարհումով և անմնացորդ հավատով՝
Առլեն Շահվերդյան:
* 

ԱՂՈԹՔ

Հանուն Հոր, և՛ Որդվո, և՛ Հոգվույն Սրբո,

Ե՛վ Լույսի՝ չարիքի հետքերը սրբող,

Ե՛վ մաքրագործող անբասիր Ոգու,

Որ բուժում է ու վերքերն ամոքում,

Որ ներշնչում է Հո՛ւյս, Հավա՛տ ու Սե՛ր

Եվ մութ հոգու մեջ վառում է լույսե՜ր:

Աղոթում եմ Քեզ, Հա՛յր մեր երկնային,

Այս նվիրական, անձնական պահին,

Երբ հաղորդակից դարձրել ես հոգուս

Քո հավերժական Լույսին դրախտային,

Երբ իմ խոսքերը ծնվում են հիմա՝

Սեր խոստովանելով լուսե Բարձրյալի՛ն,

Երբ պարզորոշ են դառնում, ակամա,

Անբացատրելի՛ն ու անիմանալի՛ն:

Տե՛ր՝ իմ ոգեղե՜ն խանդավառության,

Տե՛ր՝ իմ հավատքի՝ զորե՜ղ, անկոտրո՛ւմ,

Պարգևի՛ր մեզ Սե՜ր՝ պտո՛ւղ Էության,

Պահպանի՛ր խնդրում եմ Սե՜րը մեր սրտում:

Թո՛ղ, որ Արարչի Քո մաքո՜ւր Լույսով

Մի՛շտ անէանան շողքերը չարի՛,

Թո՛ղ, որ կենսատու, անսահման Հույսով

Մեր գոյությունը Բարի՜ն արարի՛:

Քո մաքրագործող Հավատքով լուսե

Ներդաշնակ ապրենք Մայր Բնության հետ

Եվ կարողանանք տեսնել ու լսել՝

Արժևորելով Ճշմարի՛տն հավետ:

Ես խնդրում եմ Քեզ՝ պահպանի՛ր Կյա՛նքը,

Իմաստավորի՛ր Գո՛յը երկրային,

Որ, վայելելով Կյանքի հմա՜յքը,

Մի՛շտ արժանանանք Լույսի՛ն երկնայի՜ն:

Հա՜յր մեր՝ ամենափրկի՛չ ու կարո՛ղ,

Ընդունի՛ր աղոթքն իմ հավատավոր:

Առլեն Շահվերդյան

Գրել եմ՝ 11.02.2022
____________________

© Սույն գրական կայքի կանոններով՝ հրապարակված բանաստեղծության հեղինակային իրավունքները պաշտպանված են, հետևաբար արգելվում է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և տվյալ էջի հղումը նշելու:
___________________________________________________

__________________________________

ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:

Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________

ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.

Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway

*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment