Home » Posts tagged 'nkarner'
Tag Archives: nkarner
Երևան, իմ սե՜ր / Yerevan, my love
Երևան, իմ սե՜ր
Երևան, իմ սե՜ր, քաղաք իմ լուսե՜,
Որքա՜ն եմ սիրում ես քո համբո՜ւյրը,
Իմ գրած տողից քեզ ե՜րգ եմ հյուսել,
Կաթիլով լցրել քո ցայտաղբյո՜ւրը:
Քո փողոցներին իմ քա՛յլքն եմ ձուլել,
Մայթիդ ծառերին հենել իմ հոգի՜ն,
Երևա՛ն, քեզ հետ տարի՜ք եմ առել,
Քո աչքի առաջ, քե՛զ հետ, քո կողքի՛ն:
Եվ հենց քո՛ գրկում՝ շենշո՜ղ ու լուսե՜,
Սիրահարվե՜լ եմ, այրվե՜լ եմ կրքից,
Իմ ամեն տողից ներբողնե՜ր հյուսել,
Եվ ոգևորվել քաղաք-տարերքից:
Փարվում եմ ես քեզ կարոտով անհո՜ւն,
Սիրում եմ քո մի՛շտը և քո մաքո՜ւրը,
Քե՛զ եմ նվիրել իմ ամե՜ն գարուն,
Եվ քո հանդեսին՝ իմ բարի լո՜ւրը:
Երևան, իմ սե՜ր, քաղաք արևի՜,
Տո՛ւնս իղձերի իմ նվիրակա՜ն,
Թող մի՛շտ ջերմանա՜մ ես քո «բարև՛»-ից,
Թող պայծա՛ռ լինի քո մե՛ծ ապագա՜ն:
Հեղինակ՝
Առլեն Շահվերդյան
Գրել եմ՝ 11.06.2017, ուշ գիշերը:
Հարգելի Ընթերցող, այս բանաստեղծության հեղինակային իրավունքները պաշտպանված են, հետևաբար ԱՐԳԵԼՎՈՒՄ Է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և սույն էջի հղումը նշելու:
Յուրաքանչյուր մարդ սիրում է այն քաղաքը կամ գյուղը, որտեղ ծնվել ու ապրում է: Ես ծնվել, ապրում ու արարում եմ Երևանում` Հայաստանի Հանրապետության անզուգական մայրաքաղաքում: Այն ոչ միայն բոլոր հայերի սիրելի մայրաքաղաքն է, այլև գրավիչ ու գեղեցիկ վայր՝ հազարավոր զբոսաշրջիկների համար: Նրանց, ովքեր երբևէ չեն եղել Հայաստանի մայրաքաղաքում, այս պահին առաջարկում եմ դիտել այս կարճամետրաճ ֆիլմը գիշերային Երևանի մասին: Համոզված եմ, որ կսիրեք Երևանը և մի օր կցանկանաք այցելել: Իսկ նրանք, ովքեր ապրել կամ ապրում են Երևանում, առաջարկում եմ հերթական անգամ զմայլվել մեր սիրելի քաղաքի գիշերային գեղեցկությամբ: Եվ այսպես, կարճ ու գեղեցիկ ճանապարհորդություն գիշերային Երևանով: Ֆիլմի ռեժիսոր և օպերատոր` Էդուարդ Համբարձումյան:
For my respectful Foreign Readers- Every person loves his town or village, where he was born. I was born and started my literary, creative activity in Yerevan – the capital of the Republic of Armenia. Yerevan is not only the all Armenian beloved capital, but also one of the attractive and beautiful places in the world. So thousands of tourists visit Yerevan with great pleasure. For those, who has not ever been in the capital of Armenia, I suggest now to watch this short film about the night in Yerevan. I am sure, that you’ll love this awesome city and one day would like to visit it. And for those, who live in this city, I suggest now to admire once again with the night beauty of our beloved Yerevan. Let’s have a short and beautiful trip to Yerevan. The director and operator of the film is Eduard Hambarcumyan.
My dear and respectful foreign readers, I have the honor to introduce to you my new poem written in Armenian and titled “Yerevan, my love” (written by me on June 11, 2017, late night). As always I tried to translate the poem for all my foreign readers. The following is a literal (word for word) translation of the poem, trying to make the meaning of the poem more understandable and available for all.
Yerevan, my love
Terevan, my love, my bright city,
I love your kiss so much
I wrote a song from the lines by me
I have filled your fountain with my drop.
I have joined to your streets my walk,
I have reclined with my soul to your sidewalk trees,
Yerevan, I have grown with you,
Before your eyes, together with you, close to you.
And just in your arms, which are so bright and sunny,
I have fallen in love and I have burnt with passion,
I have created odes from my each line
And have being inspired with the city elements.
I hug you with deep longing
I love your always and your clean
My every Spring is dedicated to you
My evert kind news is dedicated to your feast.
Yerevan, my love, my city of sun,
My home of my cherished dreams,
Let always your “Hello” warms me,
Let your great future be bright.
© Author – Arlen Shahverdyan, The poem is translated into English by the author.
The poem is copyright protected. © All Rights Reserved, 2017.
Dear Reader, this Poem is Copyright Protected, so IT IS PROHIBITED to share it on Social Network or other Websites without the reference (link) to its Author and to this Page.
__________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
Իմաստնագիրք. Մարդը, Հողն ու Ծառը / Book of Wisdom – The Man, the Soil and the Tree
«Մարդիկ միակ արարածներն են Երկրի վրա, որ կկտրեն ծառերը, դրանցից թուղթ կպատրաստեն ու հետո վրան կգրեն «ՓՐԿԵՔ ԾԱՌԵՐԸ»»
Իմաստնագիրք. Մարդը, Հողն ու Ծառը
Ամեն բանի հիմքը հո՛ղն է, հողի՛ց ծնվող արմատն է սկիզբ,
Նրանի՛ց է երկնի դողը, երբ ձգվում է ծառը երկի՜նք,
Հողեղեն է սկիզբը եղել, մարդն էլ՝ հողից, հողածին է,
Ծառի նման վե՜ր է ելել, շունչն է առել թթվածինը:
Հողից՝ արմատ, արմատից՝ բուն, դարավոր է անցման ուղին.
Ծառը շա՜տ է նման մարդուն, նա՛ էլ գիտի ցա՛վը ճյուղի,
Գիտի վեհի ծանրությո՜ւնը, խոնարհումի ճկման կե՜տը,
Հողից ձգվող բարձրությո՜ւնը և հողադարձ վերջակե՜տը:
Մա՛րդն ու ծա՛ռը՝ իրան ու բուն, ոտքը՝ արմատ, ձեռքերը՝ ճյուղ,
Դեպի երկինք ձգվող արթուն, իմաստասեր երազընձյուղ,
Հո՛ղն է մարդու համազգեստը, ծառը՝ հողին կապող գոտի՛,
Մարդը պիտի դալա՜ր ապրի, որ պա՛րզ նայի առավոտին:
Որ իր կյանքը հավե՜րժ լինի, ինչպես ծառի փոշոտո՜ւմը,
Ինչպես հողից երկնած ծիլի՝ կապույտ երկընքի ձգտո՜ւմը,
Պիտի ապրի ծառին վայե՛լ՝ օգուտ տալով հողից՝ երկինք,
Բնությունը պահպանելով՝ կյանքը դարձնի Իմաստնագիրք:
Հեղինակ՝
Առլեն Շահվերդյան
Գրել եմ՝ 20.05.2017
Հարգելի Ընթերցող, այս բանաստեղծության հեղինակային իրավունքները պաշտպանված են, հետևաբար ԱՐԳԵԼՎՈՒՄ Է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և սույն էջի հղումը նշելու:
Սիրելի ընթերցողներ, ապօրինի ծառահատումը և բնության հանդեպ ցանկացած այլ ոտնձգություն ոչ միայն բարբարոսության ու ցինիզմի արտահայտություն է, այլև դաժան ծաղրանք՝ Երկիր մոլորակի նկատմամբ: Ոչնչացնելով բնությունը մենք ոչնչացնում ենք նաև ինքներս մեզ:
“Humans are the only creatures on earth that will cut down trees, make paper, then write “SAVE TREES” on them”
Dear friends, this post is dedicated to trees and man-nature relations. We must save trees, save nature and my new poem, entitled “Book of Wisdom: The Man, the Soil and the Tree” is dedicated to this important issue which is very actual in nowdays. Well, being a thinking creature – Man should think not only about his life, but also about the environment and the planet he wants to see in future. In this poem I tell about the roots that come from the ground and are the basis for trees and nature. In comparison with trees I show the example of Man, who is so much alike to tree, his body is like a tree trunk and his arms are like branches of tree. And if man wants to live in peace and harmony he should live his life purely, honestly and with honor, as if a tree starting from the ground and trying to reach the sky. We all must take care of the nature. The illegal cutting of trees and any other encroachment on nature – are not just manifestation of barbarism and cynicism, but also cruel mockery of the planet Earth. Destroying nature, we destroy ourselves. In the end of the poem I say that one must live like a tree, being useful from the soil to the sky. Besides, one should make his life as a Book of Wisdom and the way to do tht is to save the nature.
© Arlen Shahverdyan, 20.05.2017
__________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
Մայիսյան հաղթանակներ / May Victories
Սիրելի վետերաննե՛ր, ազատամարտիկնե՛ր, սիրելի բարեկամնե՛ր, սրտանց շնորհավորում եմ մեզ բոլորիս` Մեծ Հայրենական պատերազմում տարած հաղթանակի 72-րդ և Շուշիի ազատագրման ու Արցախի Հանրապետության Պաշտպանության բանակի կազմավորման հոբելյանական՝ 25-րդ տարեդարձների առթիվ:
Այս փառապանծ օրը ուզում եմ գրել ինձ համար շատ նվիրական մի թեմայից: Բանն այն է, որ ես ու մեր ընտանիքը Արցախի ազատամարտը զգացել է անմիջականորեն, քանի որ Հայրս 1994 թվականին մասնակցել է ինքնապաշտպանական մարտերին: Հիշում եմ, թե ինչքան ծանր, դժվար, ապրումներով և հուզումներով լի ժամանակահատված էր դա մեր ընտանիքի համար: Ամեն օր մեր սրտերը թրթռում էին ռազմի դաշտից ստացված լուրերից, երբեմն` նաև ծանր գույժերից: Սակայն մեր հայրերը, եղբայրներն ու զավակները շարունակում էին մարտնչել առյուծային ոգով, քանի որ մեր կռիվն արդար էր, մեր բնօրրանը, Հայրենիքն էինք պաշտպանում ու ազատագրում: Հենց 94-ին էր, որ կնքվեց զինադադարը: Հայրս հետ եկավ: Նրա կամավոր մեկնումը ռազմի դաշտ և, մյուս հայորդիների հետ միասին, անձնուրաց մասնակցությունը կռիվներին ինձ համար, որպես ձևավորվող պատանու, դարձավ հպարտության և քաջության օրինակ հետագա ամբողջ կյանքի համար: Անցան տարիներ, հիմա ես, Հորս նման, ցանկացած պահին պատրաստ եմ կռվելու մեր երկրի ամեն մի թիզ հողի համար, որ ապրենք հպարտ ու արժանավայել, որ մեր մայրերը, կանայք ու աղջիկներն իրենց զգան պաշտպանված ու հոգատար ձեռքերում, որ մեր Հայրենիքը անառիկ լինի ու օր-օրի հզորանա: Ես այդ նույն ոգով էլ իմ որդուն եմ դաստիարակելու:
Ինչպես Հայրս ինձ համար օրինակ դարձավ, այնպես էլ Արցախի ազատամարտում կռվող տղերքի համար օրինակ էին ֆիդայինները, Երկրորդ աշխարհամարտի տարիներին անձնուրած մարտնչած հայորդի հերոսները, զինվորներն ու սպաները, բոլոր նրանք, ովքեր կռեցին պատմությունը սեփական ձեռքերով, կերտեցին այն ապագան, որում ապրում ենք մենք այսօր:
Մայիս ամիսը, հիրավի, շատ նվիրական հայ ժողովրդի համար, հաղթական ամիս է. նշում ենք Եռատոն, նշում ենք մեր հերոսական ոգու արտահայտությունը Երկրորդ աշխարհարամարտին, Արցախում: Այնտեղ կռվողները հավատով էին կռվում: Հավատում էին, որ ազատագրվելու է մեր Հայրենիքը, որ ապրելու ենք խաղաղ ու անվտանգ երկրում: Նրանք մարտի էին գնում այդ հավատն ու հույսը, այդ ներքին համոզմունքը իրենց սրտի տակ պահած:
Ամեն մայիսի 9-ին հոգիս մի տեսակ փառավորվում է: 1941-1945 թթ. Մեծ Հայրենական պատերազմում խորհրդային ամբողջ ժողովրդի ձեռք բերած փառահեղ հաղթանակը, որը մեզ բոլորիս լցնում է հերոս վետերանների սերնդի նկատմամբ հպարտությամբ և խորին երախտապարտությամբ, մեր սերնդի վրա, մեզանից յուրաքանչյուրի վրա դնում է առանձնակի պատասխանատվություն մեր իսկ, մեր երեխաների ու թոռների, հայրենիքի ճակատագրի համար: ժամանակին մի ամբողջ մեծ Հայրենիքի ճակատագիրը մեր քաջարի պապերի ու հայրերի ձեռքերում էր, նրանք այդ փորձությունը հաղթահարեցին պատվով` ազատագրելով աշխարհը չարիքից: Նրանք իրենց կյանքը զոհեցին հանուն խաղաղության: Մեզ՝ հայերիս համար, Երկրորդ համաշխարհային պատերազմում տարած հաղթանակն ունեցավ կենսական նշանակություն, իսկ մեր հայ քաջորդիները իրենց անունները ոսկե տառերով գրեցին պատերազմի տարեգրության մեջ:
Այսօր պատվախնդիր հետևողականությամբ ստանձնենք պատասխանատվությունը մեր երկրի ապագայի համար և կառուցենք ու հզորացնենք մեր Հայրենիքը` նոր արհավիրքներն ու վտանգները կանխարգելելու և նոր սպառնալիքներին ավելի ուժեղ կերպով հակազդելու, արժանի հակահարված տալու համար: Ամբողջ առաջադեմ մարդկության հետ նշենք ֆաշիզմի նկատմամբ տարած ՄԵԾ ՀԱՂԹԱՆԱԿԻ տարեդարձը, անհանդուրժող լինենք ագրեսիային, ահաբեկչությանը:
«Կռիվ ենք գնում ախպերս ու ես…»,-ահա այս խոսքերն են գալիս մտքիս՝ լսելով տեսանյութում հնչող երգի խոսքերը… Նայում եմ տեսանյութում մեր տղերքին, էն տղերքին, որոնք իրենց կյանքն էին վտանգել հանուն վեհ գաղափարների, հանուն արդարացի լուծման, հանուն Հայրենիքի ու պատվի: Այս տղերքը վետերան պապերի արժանի հետնորդներն են և մշտարթուն օրինակ՝ հետագա բոլոր սերունդների համար: Ես երազում եմ, որ այս ոգեշնչումով ապրենք միշտ, և մեր կյանքում միշտ գրանցենք ոգեղենության հաղթանակներ` վեր կանգնելով նեղ անձնական շահերից ու ազնիվ կերպով, մաքուր խղճով կարողանանք նայել մեր զավակների, մեր մատաղ սերնդի աչքերին:
Հայ ազատամարտիկ տղե՛րք, թող այս երգերում լսվող Ձեր խրոխտ ձայնը միշտ զիլ հնչի մեր ականջներում ու հուշերում, թող Ձեր քաջարի ոգին ու անմար սխրագործություններն հաջողության օրինակ լինեն և հանդիսանան ժողովրդի ու պետության հավերժ կենսունակության գրավական:
Մենք վեհանում ենք Ձեզանով, Ձեր օրինակով և պիտի այնպես ապրենք մեր կյանքը, որ մեզանով էլ վեհանան մեր հաջորդ սերունդները:
Փա՛ռք յուրաքանչյուր հայորդու` զորահրամանատարից մինչև կռվի շարքային մասնակից, Փա՛ռք հայ քաջ վետերաններին, փա՛ռք Արցախյան ազատամարտի նահատակված ու կենդանի բոլոր մասնակիցներին, փա՛ռք ու հավերժ հիշատակ յուրաքանչյուրին, ով իր կյանքը զոհեց այն լուսավոր ու հաղթանակած օրվա համար, որն ինքը կյանքում այդպես էլ չհասցրեց ապրել ու տեսնել, սակայն վաղուց տեսել էր իր երազանքներում:
© Առլեն Շահվերդյան, 08.05.2017
Dear friends, please accept my cordial congratulations on the 72th Anniversary of the Victory in the Great Patriotic War. The Day of Victory for the Armenians has double meaning as we celebrate on this day also the Liberation of Shushi (May 8-9, 1992) from Azeri cruel attacks on Nagorno-Karabakh and Armenia. This was one of the first significant military victories by the Armenian Forces during the Nagorno-Karabakh Liberation War. My Father has taken part in this war together with many Armenians protecting our dear Homeland from Azeri barbarism, terrorism and killings of hundreds of innocent and peaceful Armenian population.
© Arlen Shahverdyan, 08.05.2017
__________________________________
ՈՒՇԱԴՐՈՒԹՅՈ՛ՒՆ. Բլոգի հեղինակային իրավունքների պաշտպանության մասին
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About the Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
Գիշերն անձնական է / The Night is Personal
Գիշերն անձնական է
Գիշերն անձնական է, գիշերը՝ անուշ,
Նրա թևի տակ քնելն է հեքիաթ,
Գիշերվա տողերը՝ վերապրումի հուշ,
Այնքա՜ն դյութագեղ, այնպե՜ս աննկատ:
Մատների սա՜հք է գիշերը խորունկ,
Կոպերի դո՜ղ է՝ հույզին ընդառաջ,
Խորհրդավո՜ր է մութը անաղմուկ,
Հմայող սև է՝ աչքերի առաջ:
Գիշերը քամում է քո շնչից հևոց,
Նրա գրկի մեջ տենչա՜նքն է ճեմում,
Գիշերը՝ սիրող կատվի մլավոց՝
Մարտյան կրքերի թատերաբեմում:
Գիշերը տաք է մարմանդ այրումից,
Նրա պարանոցը համբո՜ւյր է ծնում,
Եվ լո՜ւյս է տալիս աստղին համբույրից՝
Մթագորշ երկնի անհո՜ւն կածանում:
Գիշերը՝ մեղմի՜կ, գիշերը՝ թաքո՜ւն,
Նրա ափի մեջ հոգիդ է թիթեռ
Գիշերվա քունը՝ խաղաղն է արթուն,
Այնքա՜ն հրապուրիչ, այնպե՜ս հոգեթև:
Իմ ժամն էլ կգա, կդառնամ մի հուշ՝
Խնկաբույր ծխի նիրհով պարուրված,
Եվ ինձ հիշելիս գիշերը անուշ
Կիջնի քաղաքի երեսին կամաց:
Մութը կտիրի մինչև առավոտ,
Նոր լույսը իր հետ նոր մութ կբերի,
Կգան երազկոտ գերեզմանիս մոտ,
Միասին կնայենք փայլող աստղերին…
Գիշերն անձնական է, գիշերը՝ անուշ,
Նրա թևի տակ ննջելն է հեքիաթ,
Գիշերվա ժամերը՝ վերապրումի հուշ,
Այնքա՜ն դյութագեղ, այնպե՜ս աննկատ:
Հեղինակ՝
Առլեն Շահվերդյան
Գրել եմ 21.04.2017, գիշերը:
Հարգելի Ընթերցող, այս բանաստեղծության հեղինակային իրավունքները պաշտպանված են, հետևաբար ԱՐԳԵԼՎՈՒՄ Է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և սույն էջի հղումը նշելու:
Սիրելի ընթերցողներ, պատիվ ունեմ ներկայացնելու Ձեզ իմ ամենասիրած տեսահոլովակը և ամենասիրելի երաժշտական ստեղծագործություններից մեկը` «Կատուներ» ջազ, ռոք, ֆոլկ խմբի «Օրոր» հոգեթով երաժշտական ստեղծագործությունը: Տեսահոլովակի ռեժիսորն է տաղանդաշատ Դավիթ Սահակյանցը («Sahakyants Animation Studio»): Նա մեծահռչակ մուլտիպլիկատոր և ռեժիսոր Ռոբերտ Սահակյանցի որդին է: 2008 թվականին այս տեսահոլովակը լավագույնը ճանաչվեց Ազգային երաժշտական մրցանակաբաշխության «Տարվա լավագույն տեսահոլովակ» անվանակարգում:
Ինձ համար այս կախարդական ստեղծագործությունը և տեսահոլովակն` իր գույներով ու յուրատիպությամբ, ունեն առանձնահատուկ ու նվիրական նշանակություն: Տեսահոլովակն այնքան գեղեցիկ է, որ ասես բարի, գունեղ և լուսավառ հեքիաթ լինի, իսկ մեղեդին՝ հոգիդ պարուրող երաժշտական հոգեպարար մի ալիք:
Ուրախ եմ, որ «Գիշերն անձնական է» վերնագրով բանաստեղծությունս հրապարակում եմ իմ գրական կայքում հենց այս գեղեցիկ երաժշտական ստեղծագործության գունեղ տեսահոլովակի ներկայացմամբ:
Հարգանքով՝ Առլեն Շահվերդյան:
Dear Readers, I have the honor to introduce to You my most beloved music clip and one of my beloved pieces of Music, entitled “Oror” (in English: “Lullaby”), created and performed by the Jazz Rock Folk Band “Katuner” (in English: “Cats”). The director of the clip is very talented David Sahakyants (“Sahakyants Animation Studio”). He is Armenian well known multiplicator and director Robert Sahakyants‘s son. This music clip was awarded as “The Best Video of Armenian National Music Awards, 2008”. For me this colourful clip and the magic music itself are of special value and importance. The colours and the mood of the clip are so nice as if the clip gives birth to a kind, colourful and lightful fairy tale, and the melody is like a tender wave that hugs your soul.
It is my pleasure to introduce to you my poem “The Night is Personal” especially with introducing this beautiful music and colourful clip. The poem is about author’s thoughts of life, beauty of mysterious and charming night, cats that are looking for love in March nights, the city, which sleeps in peace and about other nice and unique details of the night. Respectfully, Arlen Shahverdyan.
__________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
Վերապրում / Survival
Վերապրում
Ձեռքդ տո՛ւր, եղբա՛յր, ձեռքդ տո՛ւր, բռնե՛մ,
Ոտքերս ցավո՜ւմ են, մաշվե՜լ են արդեն,
Քայլելու համար ես էլ ուժ չունե՜մ.
Քարերը մաշե՜լ են ոտքերս ու հոգիս:
Ձե՛ռքդ տուր, եղբա՛յր, թե չէ կմեռնեմ
Սովի՜ց ու ցավի՜ց նոսրացող շարքում,
Սարսա՜փ է շուրջս ու արյան հեղե՜ղ,
Հայի մահացող հայացքնե՜ր՝ կողքիս:
Թե ձեռքս թողնես ու մենա՜կ մնամ,
Ես չե՛մ լուսացնի գիշերն այս անքուն,
Մահին ընդառաջ ես էլ կգնամ,
Ուժ չունի արդեն չարչարվա՜ծ հոգիս:
Սիրտն իմ վշտաբեկ հույս չունի արդեն,
Ցողի փոխարեն ավազ է դեմքիս,
Ուժ տուր, որ ցավին վերջապես հաղթեմ,
Առավոտ բացվի՝ սիրով աղոթքիս:
Ձեռքդ տո՛ւր, եղբա՛յր, ձեռքդ տուր փրկիչ,
Աչքերս, արդեն, չե՜ն կարող լացել,
Թե ձեռքս թողնես հողմում ավերիչ
Ավազի նման կմաղվենք անհետ,
Ինչպես, որ շարքն է հիմա նոսրացել,
Ինչպես, որ հա՜յն է հիմա տխրադեմ,
Բայց իր մտքերում՝ պայծառ ապագա,
Բայց իր աչքերում՝ լուսե արահետ:
Ձեռքդ տո՛ւր, եղբա՛յր, ձեռքդ տո՛ւր, բռնեմ,
Բայց ո՛չ թե օգնիր՝ մխիթարվելու,
Այլ ոտքի հանիր մաքառմա՛ն համար.
Ես ու դու պիտի վրե՛ժը առնենք,
Ե՛ս ու դո՛ւ ենք այս հարցը լուծելո՛ւ,
Ե՛ս ու դո՛ւ պիտի ապրելո՛վ հանենք
Նոսրացած շարքի վրե՜ժը անմար:
Ձե՛ռքդ տուր, եղբա՛յր, ձե՛ռք-ձեռքի բռնած
Ո՛ւժով կջարդենք չարին ոխերիմ,
Կորացած մեջքը մեր ուղղենք հաղթա՛ծ,
Որ կարողանանք նայել աչքերին՝
Գարունի տեղը մահ դիմավորած
Հայոց Եղեռնի անմեղ զոհերի:
Մենք պիտի ապրե՛նք, ազգով բազմանա՛նք,
Վրեժը պահած մեր ազնի՜վ սրտում,
Քարերից ծլե՜նք ու կանաչանա՜նք,
Ինչպես ծաղի՜կը՝ չո՛ր անապատում:
Հեղինակ՝
Առլեն Շահվերդյան
Գրել եմ՝ 23.04.2017
Հարգելի Ընթերցող, այս բանաստեղծության հեղինակային իրավունքները պաշտպանված են, հետևաբար ԱՐԳԵԼՎՈՒՄ Է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և սույն էջի հղումը նշելու:
Սիրելի Ընթերցողներ, հայ ժողովրդի ներկա և ապագա բոլոր սերունդները մշտապես հիշելու և ոգեկոչելու են Հայոց ցեղասպանության անմեղ, սրբադասված զոհերի հիշատակը՝ վառ պահելով այն իրենց սրտերում: Միևնույն ժամանակ, սգալուց ու հիշելուց բացի, յուրաքանչյուր հայ շարունակելու է լինել ու մնալ պահանջատեր՝ ցեղասպանությունն իրականացրածների իրավահաջորդ սերունդների նկատմամբ և մնալ նվիրյալ՝ Հայ Դատի արդար ու ճշմարիտ լուծման ճանապարհին: Իսկ Հայ Դատի արդար լուծմանը հասնելու համար յուրաքանչյուր հայ, իր տեղում ու իր ջանքերով, պիտի ջանա կերտել այն ապագան ու այն հզոր, շեն Հայրենիքը, որի մասին երազում էին անմեղ զոհերը, երազում էին մեր բոլոր նախնիները: Ցեղասպանության վերապրածները կենդանի վկայությունն են մեր ժողովրդի պատմության ողբերգական էջերից մեկի, թերևս՝ ամենասարսափելի էջի: Սակայն մեր ժողովուրդը տոկուն է, ուժեղ, կենսունակ, հավերժ ապրելու բանաձևն իմացող, մի ժողովուրդ, որն առաքելություն ունի և ասելիք, ժողովուրդ, որն ունի ապրելու իրավունք: Խոնարհումով անմար զոհերի հիշատակին՝ Առլեն Շահվերդյան:
Հայտնում եմ իմ խորին երախտագիտությունը տաղանդավոր ռեժիսոր Ամալյա Սարգսյանին՝ իմ գրական բլոգում «Վերապրում» սոցիալական հոլովակի օգտագործման բացառիկ իրավունքը տրամադրելու համար: Հոլովակի բոլոր իրավունքները պաշտպանված են և պատկանում են հեղինակին:
I wish to express my deep gratitude to talented director Amalia Sarkissian for granting me the exclusive right to use Her social movie clip, entitled “Survival”, in my Literary blog. The movie clip is Copyright protected, all rights reserved and belong to the author.
For my foreign readers – Dear all, I have the honor to introduce to you my poem written in Armenian and titled “Survival” (written by me on April 23, 2017). This poem is dedicated to all the victims of the Armenian Genocide and is telling about the terrible memories and scenes in the desert Der Zor, were thousands of Armenians were killed. The poem is also about the Armenian strength, belief and spirit to survive, to love and create and to bring peace to the world. Read also my other posts (also in English) dedicated to the Armenian Genocode.
***
Կարդա նաև հետևյալ հրապարակումները Հայոց ցեղասպանության թեմայով / Read also the following posts on the Armenian Genocide:
- Դեր Զոր. Հայոց ցեղասպանության զոհերի հիշատակին / Der Zor: In memory of victims of the Armenian Genocide
- Հայոց ցեղասպանության զոհերի հիշատակին / In memory of victims of the Armenian Genocide
- «Թրքուհու գաղտնիքը» վերնագրով գիրքս՝ նվիրած Հայոց ցեղասպանությանը / My book, titled “The Secret of a Turkish Girl”, dedicated to the Armenian Genocide
__________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
Երկրի օրը 2017 / Earth Day 2017
Եթե բոլորը…
Եթե բոլորը այս Երկրի վրա
Կարողանային ներե՜լ իմանալ
Եվ կարողանային սխալն ընդունե՜լ,
Կարողանային սիրե՜լ իմանալ ու սե՜ր նվիրել,
Եթե բոլորը փորձեին սերմը ցանել իմանալ,
Ո՛չ թե միմիայն բերքը ամբարել,
Կարողանային խնամե՜լ միմյանց,
Ո՛չ թե ավիրել,
Ջրել իմանալ չո՛րը տատասկոտ,
Ո՛չ թե թաթախվել խոնավության մեջ,
Կարողանային աչքե՜րը թախծոտ
Բացել խնդության համբույրո՜վ անշեջ,
Եթե բոլորը մի՛ պահ կանգնեին
Հայելու առջև ինքնամաքրումի՛
Եվ որոնեին պատասխա՜նն այնտեղ՝
Հայելիների կարիք չէ՛ր լինի,
Եթե բոլորը այս Երկրի վրա
Ապրեին սիրո՜վ, խաղա՜ղ, համատե՜ղ՝
Պատերազմների ցավը չէ՛ր լինի:
Հեղինակ՝
Առլեն Շահվերդյան
22.04.2017
Հարգելի Ընթերցող, այս բանաստեղծության հեղինակային իրավունքները պաշտպանված են, հետևաբար ԱՐԳԵԼՎՈՒՄ Է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և սույն էջի հղումը նշելու:
Dear Reader, this Poem is Copyright Protected, so IT IS PROHIBITED to share it on Social Network or other Websites without the reference (link) to its Author and to this Page.
Սիրելի Ընթերցողներ, շնորհավորում եմ «Երկրի օրվա» առթիվ: 1970 թվականի ապրիլի 22-ին քսան միլիոն ամերիկացիներ համախմբվեցին առաջին անգամ նշելու «Երկրի օրը», որի նպատակն է մարդկության ուշադրությունը սևեռել Երկիր մոլորակի էկոհամակարգի զգայունության ու փխրուն վիճակի վրա, ինչպես նաև սերմանելու մոլորակի նկատմամբ սեր և հոգածություն, պարտավորվածություններ և դրանք կատարելու պատրաստակամություն: Միջազգային հանրությունն ամեն տարի աշխարհի 192 պետություններում նշում է «Երկրի օրը» բնապահպանական լայնամասշտաբ քարոզարշավներով ու միջոցառումներով: Երկիր մոլորակը մեր բոլորի տունն է, եկեք դարձնենք մեր ամեն օրը «Երկրի օր»: Հարգանքով՝ Առլեն Շահվերդյան:
Չորս րոպե, որ կփոխեն ձեր կյանքը / Four minutes that will change your life
Ի՞նչ է վերջին 50 տարիների ընթացքում մարդը ոչնչացրել Երկիր մոլորակի վրա (Աղբյուրը՝ www.finance.am):
Վերջին 50 տարիների ընթացքում մարդը վերացրել է խոշոր ձկների համաշխարհարհային պաշարի 90%-ը: Օվկիանոսի ձկնորասական հայտնի շրջանների 22% կա՛մ լրիվ սպառվել են, կա՛մ գտնվում են ծանրաբեռնված շահագործման տակ, իսկ 44%-ը գտնվել են վերացման եզրին: Որսալով ուտելի ձկներ՝ մենք ամեն տարի 27 տոննա այլ, ոչ կենսունակ կենդանատեսակներ ենք նետում հետ: Որոշ շրջաններում ծովի հատակը այնքան է լցված ուռկաններով, որ այնտեղ էլ ոչ մի կենդանատեսակ չի ապրում: Վերջին 50 տարիների ընթացքում մարդը վերացրել է համաշխարհային անտառի 70%-ը: Մնացած անտառների մոտ 30%-ը մասնատված են և դեգրադացվում են, իսկ հատման աշխատանքները տարեկան կազմում են 50 ք/կմ: Վերացրել է ավելի քան 45 հազար լիճ: Ամեն տարի քիմիական գործարանները արտանետում են 70 հազար տոննա տարբեր օրգանական միացություններ և ամեն տարի դրանց քանակը ավելանում է 1000 նոր տեսականիով: Դրանց միայն մի փոքր մասն է ստուգված անվտանգության նկատառումներով: Վերջին 50 տարիների ընթացքում մարդը վերացրել է բոլոր տեսակի թռչունների ¼-ը, մնացածի 11%-ը վերացման եզրին է: Վերացման եզրին են նաև բոլոր կաթնասունների 18%-ը, ձկների՝ 5%, իսկ բույսերի՝ 8%: Մի խոսքով, Երկիր մոլորակի հայտնի ռեսուրսների 30%-ը անվերադարձ վերացված են, և դա այն ժամանակ, երբ բնակչության քանակը գնալով աճում է:
Dear Readers, my dear Friends, Happy Earth Day! Earth Day is an annual day on which events are held worldwide to demonstrate support for environmental protection. Earth Day is observed on April 22 each year. The April 22 date was designated as International Mother Earth Day by a consensus resolution adopted by the United Nations in 2009. Earth Day is now coordinated globally by the Earth Day Network, and is celebrated in more than 192 countries every year. The Planet Earth is our home. Let’s make every day Earth Day! Respectfully, Arlen Shahverdyan.
Дорогие читатели, мои дорогие друзья, с днем Земли! День Земли — название, используемое по отношению к различным мероприятиям, проводящимся весной и призванным побудить людей быть внимательнее к хрупкой и уязвимой окружающей среде на планете Земля. День Земли — это гражданская инициатива, она открыта для присоединения любых людей, групп и организаций. Планета Земля – наш дом. Давайте сделаем каждый день днем Земли. С уважением, Арлен Шахвердян.
Մեր աշխարհը հրաշալի է / Our world is wonderful
Մենք բոլորս Երկիր մոլորակի երեխաներն ենք / We are all children of the Planet Earth
Բնությունը հիացնում է մեզ ամեն պահին / The Nature amazes us every moment
Կանգնեցնենք բնության ոչնչացումը / Let’s stop destroying the Nature
Ապրենք բնության հետ ներդաշնակության և խաղաղության մեջ / Let’s live in harmony and peace with the Nature
__________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
Ուրախ Զատիկ / Happy Easter!
Քրիստոս հարյավ ի մեռելոց: Օրհնյալ է Հարությունը Քրիստոսի: Սիրելի Ընթերցողներ, ինձ համար Սուրբ Զատկի տոնը քրիստոնեական ամենակարևոր տոնն է, քանի որ այն պարունակում է իր մեջ այս կրոնի բուն և խորքային իմաստը: Այն փաստը, որ Հիսուս Քրիստոսը հարություն առավ և չմահացավ որպես սովորական մահկանացու ապացուցում է, որ նա Աստծո որդին է և Աստվածային արարչագործության մարմնացումը: Սա ցույց է տալիս մեզ, որ յուրաքանչյուր անկեղծ և իսկական հավատացյալի Հոգին հավերժ է և այն Հարություն է առնում մահից հետո՝ գտնելով երկնային խաղաղություն և ազատություն, ապրելով Հավերժական կյանքով: Քրիստոսը մահացավ ու Հարություն առավ մեր փրկության համար: Քրիստոնեական կրոնի գլխավոր ուղերձը և խորհուրդը մահից հետո հրաշափառ Հարության ու հոգու անմահության հնարավորությունն է: Դրան հասնելու հիմնական միջոցները մեղքերից փրկությունն է, Աստծու նկատմամբ անկեղծ հավատքով սեր և երջանկություն վերագտնելը, երկրային կյանքը ազնիվ ապրելը, ազնվորեն և անսահման նվիրումով սիրելը:
Լինելով քրիստոնյա և դավանելով Հայ Առաքելական եկեղեցուն*՝ ես հարգում եմ աշխարհի բոլոր կրոններն ու մշակույթները: Գիտեմ, որ հավատքն առ Հարություն առկա է շատ կրոններում և այն յուրաքանչյուր հավատքի գլխավոր փիլիսոփայություններից մեկն է:
Ցանկացած իսկական ու անկեղծ հավատացյալ մարդ, անկախ նրանից նա քրիստոնյա է, մահմեդական, բուդդայական թե ուրիշ այլ կրոնի հետևորդ, իր կյանքում մշտապես ջանում է գտնել սեր, ազատություն, ներդաշնակություն և երջանկություն: Եկեք գտնենք սիրո, ազնիվ ու բարի հաղորդակցման և ներքին ազատության իրական ճանապարհը: Եկեք աշխարհը դարձնենք մի փոքր ավելի ապահով և եկեք չմոռանանք, որ Արարիչը պարգևել է մեզ Սերը, որպեսզի մենք մյուս մարդկանց և ամբողջ Մայր Բնության հետ ապրենք խաղաղության, համերաշխության և ներդաշնակության մեջ:
Օրհնված եղեք սիրով և երջանկությամբ: Խաղաղություն Ձեզ և Ձեր ընտանիքներին: Մաղթում եմ բոլորիս ուրախ Զատիկ:
© Առլեն Շահվերդյան, 15.04.2017
* Այս տարի Հայ Առաքելական եկեղեցին Սուրբ Զատկի տոնը նշում է ապրիլի 16-ին:
For me, Easter – is the most important Christian holiday, because it contains the essence of this religion. The fact that Jesus Christ rose and did not die as a simple man proves us that He is the Son of God and the incarnation of God’s creation. This shows us that the soul of each sincere and true believer is immortal and that it resurrects after death and finds Peace and Freedom in Heaven, living Immortal life. Jesus Christ died and rose for our salvation. The main message of the Christian Religion is the opportunity of Resurrection and immortality of the soul after death. The main means for reaching that are the liberation from sins and finding Love and Happiness through sincere belief to God, as well as living life in an honest way, loving honestly and with boundless dedication.
Being Christian and confessing the Armenian Apostolic Church, I respect all the religions and cultures of the World. I know that the belief to Resurrection contains in many religions and it is one of the main philosophies in each belief. Every real and sincere believer, whether he is Christian, Muslim, Buddhist or follower of other Religion, always tries to find Love, Freedom, Harmony and Happiness in His life. Let us find the true way to Love, to Kind Communication and to Internal Freedom. Let us make the World safer and let us not forget, that the Creator gave us the Love, in order for Us to live in Peace, Solidarity and Harmony with other People and with the whole Mother Nature.
Be blessed with Love and Happiness. I wish peace to you and your families. Happy Easter to all of us!
© Arlen Shahverdyan, 15.04.2017. Translated by the Author.
* This year the Armenian Apostolic Church celebrates Easter on April 16.
__________________________________
ՈՒՇԱԴՐՈՒԹՅՈ՛ՒՆ. Բլոգի հեղինակային իրավունքների պաշտպանության մասին
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About the Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
