Home » Posts tagged 'Հայք / Armenia'
Tag Archives: Հայք / Armenia
Նատալյա Յաչմենևա. Առյուծների լուսանկարներ / Natalia Yachmeneva. Photos of Lions
© Natalia Yachmeneva. Photos of Lions in the “Artis”
Amsterdam Royal Zoo, 2010
Աֆրիկյան վեհասքանչ առյուծներ` Ամստերդամի «Արտիս» թագավորական կենդանաբանական այգում: Լուսանկարների հեղինակ` Նատալյա Յաչմենևա: 2010 թ. մարտի 24:
Африканские величественные львы в Амстердамском королевском зоопарке “Артис”. Автор фотографий – Наталия Ячменева. 24 мартa 2010 года.
Majestic African lions in the “Artis” Amsterdam Royal Zoo. The author of photos is Natalia Yachmeneva. The photos are taken on the 24th, March, 2010.
***
Ես խորին շնորհակալություն եմ հայտնում Ամստերդամի բարձրագույն դպրոցի սոցիոլոգիայի ֆակուլտետի ուսանողուհի Նատալյա Սերգեյի Յաչմենևային` առյուծների լուսանկարները օգտագործելու իրավունքը սիրով տրամադրելու համար:
Я выражаю свою глубокую благодарность студентке факультета социологии Амстердамской высшей школы Наталии Сергеевне Ячменевой за любезное предоставление права на использование фотографий львов.
I express my deep gratitude to the student of the Faculty of Sociology, Amsterdam High School, Natalia Yachmeneva for kindly providing the right to use the photos of lions.
© Arlen Shahveryan, “Right to Live” book, 2011
_______________________________________________________________________
*
Հեղինակային իրավունքների պաշտպանություն
Սույն բլոգ-կայքի հեղինակային իրավունքները պատկանում են դրա հեղինակին՝ Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Copyright protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
© Առլեն Շահվերդյան. հեղինակային բլոգ / Arlen Shahverdyan. Author’s blog
© Բոլոր իրավունքները պաշտպանված են, 2013 / © All Rights Reserved, 2013
Blog Facebook Twitter YouTube E-mail Clip Subscribe You+Blog
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
Անձրևային լիրիկա
ԹՈՂ, ՈՐ ԱՍԵՆ…
Եթե մի օր պիտի ասեն,
Թե այս մարդը խենթ էր իրավ
Պիտի խնդան ու բամբասեն,
Թե անձրևին դարձրել էր «յար»,
Թո՜ղ, որ ասեն…
Թե հորդառատ անձրևի մեջ
Կին էր տեսնում նա նրբակերտ,
Կաթիլները նրա համար
Թվում էին սոսկ բազմակետ:
Թե անձրևին դարձըրել էր
Իր ընկերը հավատարիմ
Նրան սիրով հագցըրել էր
Մի լուսաշող դիմակ բարի,
Թո՛ղ, որ ասեն…
Թե խնդում էր մանկան նման
Յուրաքանչյուր կաթիլի հետ,
Որ հեքիաթ էր մի աննման
Ու կորչում էր մեկեն անհետ:
Թե գտել էր անձրևի մեջ
Արտահայտման սեփական ձև,
Թե կրակ էր կոչում անշեջ
Սառն անձրևին հազարաձև,
Թո՜ղ, որ ասեն…
Ոմանց համար անձրևն է սեր,
Իսկ ոմանք էլ իրենց յարին
Անձրևի պես չեն խնայում
Ոմանք` բարի դիմակ հագած
Հավատարիմ ընկերոջը` դավաճանում
Ոմանք կաթիլ-կաթիլ ծծում
Ու հյուծում են դիմացինին,
Բազմակետ են դնել փորձում
Օգնությամբ սուր, ժանգոտ կացնի:
Ոմանք մեկեն կորչում են, տե՛ս,
Բայց ոչ լուսե ու աննման հեքիաթի պես,
Մեղք գործելը դարձընելով
Արտահայտման սեփական ձև:
Ոմանք մեկեն ընդունում են
Անձրևաջուր մի որոշում,
Ոմանք անգամ չունեն հստակ
Սեքսուալ ճիշտ կողմնորոշում,
Ոմանց համար ոմանք արդեն արժեք չունեն… ո՜ւր ենք հասել…
…Իսկ անձրև՜ը,
Նա, ինչպես միշտ, թարմաբույր է, նա շնչո՜ւմ է
Եվ թրջելով շշնջում է.
«Թո՜ղ, որ ասեն…»:
Առլեն Շահվերդյան
04.05.2004
© Բանաստեղծության հեղինակային իրավունքները պաշտպանված են, արգելվում է այն օգտագործել կամ հրապարակել մամուլում, կայքերում և սոցիալական ցանցերում՝ առանց բանաստեղծության հեղինակի անունը նշելու:
ԶԼՄ-ները` «Ապրելու իրավունք» գրքիս մասին
Բլոգիս հարգելի այցելուներ, պատիվ ունեմ տեղեկացնելու, որ այս օրերին լրատվական գործակալությունները դարձյալ անդրադարձել են «Ապրելու իրավունք» գրքիս:
Սիրով առաջարկում եմ ծանոթանալ այդ անդրադարձներից մի քանիսին`
- ««Ապրելու իրավունք». լույս է տեսել առյուծների մասին գիրք» հոդվածը` «www.Tert.am» լրատվական գործակալության կայքում:
- «Բնապահպանական կոնֆերանսի ժամանակը բավարար չէր հիմնախնդիրները թվարկելու համար» հոդվածը` «Econews.am» տեղեկատվական բնապահպանական կայքում:
- «Լույս է տեսել Առլեն Շահվերդյանի «Ապրելու իրավունք» գիրքը» հոդվածը` «Նոյյան տապան» լրատվական գործակալության կայքում:
- «Ապրելու իրավունք» հոդվածը` «HayNews.am» լրատվական գործակալության կայքում:
- «Ապրելու իրավունք» հոդվածը` «NewsRoom.am» լրատվական կայքում:
- ««Ապրելու իրավունք». լույս է տեսել առյուծների մասին գիրք» հոդվածը` «www.Armtown.com» լրատվական գործակալության կայքում:
- ««Ապրելու իրավունք». լույս է տեսել առյուծների մասին գիրք» հոդվածը` «www.Hamaynk.com» իրանահայ լրատվական ցանցում:
- «Լույս է տեսել Առլեն Շահվերդյանի «Ապրելու իրավունք» գիրքը» հոդվածը` «Mediaforum.am» կայքում:
- «Հայերեն լեզվով բացառիկ գիրք առյուծների մասին» հոդվածը` «Արշավականներ» հայրենագիտական ակումբի պաշտոնակայքում
© Առլեն Շահվերդյան, 02.05.2012
Ամեն մի անձրև
ԱՄԵՆ ՄԻ ԱՆՁՐԵՎ
Ամեն մի անձրև նոր լիցք է բերում
ՈՒ սեր է սփռում ամբողջ աշխարհին
Եվ համոզված եմ՝ մարդկանց սրտերում
Ամեն ինչից վեր հաղթում է բարին:
Ամեն մի անձրև նոր հույս է բերում
Եվ քնարի պես մեղմում աշխարհին
ՈՒ հաստատաչար որոշ սրտերում
Այդժամ նենգ չարին ճնշում է բարին:
Ամեն մի անձրև նոր զույգ է ծնում
Սիրահար աչքեր` կաթիլների տակ
Իր արած գործով մեկեն պարծենում
ՈՒ թափվում է նա ծովերը անտակ:
Ամեն մի անձրև ծաղիկ է բերում
Ծաղիկը այն նուրբ, գունեղ դաշտերի,
Որ այն միշտ ծաղկի մեր հոգիներում
Ծնվենք, մեծանանք, ծերանանք բարի…
Առլեն Շահվերդյան
19.04.1999
© Բանաստեղծության հեղինակային իրավունքները պաշտպանված են, արգելվում է այն օգտագործել կամ հրապարակել մամուլում, կայքերում և սոցիալական ցանցերում՝ առանց բանաստեղծության հեղինակի անունը նշելու:
Խոսք ընթերցողներիս
Իմ շատ սիրելի ընթերցողներ, ողջունում եմ Ձեզ և ուզում եմ նշել, որ շատ շնորհակալ եմ ձեր ջերմ ու խիստ դրական արձագանքների համար: Ես սիրում, հարգում ու գնահատում եմ Ձեզանից յուրաքանչյուրին և ջանում, որ այն, ինչ արարում եմ հետաքրքիր լինի և ոչ անիմաստ:
Ձեզ արդեն հայտնի է, որ ես անձնական այս կայքս ստեղծել եմ իմ և ուրիշ ստեղծագործողների աշխատանքները ներկայացնելու համար միայն: Այս կայքը չի պարունակում և չի պարունակի որևէ բան, որը չի առնչվում ստեղծագործելու հետ և հարազատ չէ ստեղծագործական մտքին և ոգուն:
Կայքիս ձևաչափը բլոգն է, քանի որ բլոգն այսօր ստեղծագործ մարդկանց ինքնաարտահայտվելու և նաև ազատորեն շփվելու ճկուն ու ամենապրոակտիվ մեթոդներից մեկն է, եթե ոչ` առաջինը: Բլոգը հնարավորություն է տալիս ուղղելու խոսքը ընթերցողին և ակնկալելու արագ արձագանք: Դիցուք մի մեջբերում անեմ «http://www.e-armenians.com/» կայքից. «…Ընդհանուր առմամբ, բլոգը վերջին տասնամյակում մեծ հեղինակություն վայելած ինտերնետային ինտերակտիվ կայք է, որի բովանդակության ձեւավորմանն անմիջականորեն մասնակցում են այդ բլոգից բոլոր օգտվողները՝ ինչպես բլոգերները (գրառումներ կատարողները ու հոդվածներ ներկայացնողները), այնպես էլ կայքի մյուս այցելուները (որոնք կարող են հանդես գալ որպես մեկնաբանողներ): Այլ կերպ ասած, բլոգն ինքնադրսեւորման «օն-լայն» տարբերակ է, երբ Ձեր գրառումները մատչելի են դառնում ողջ ինտերնետային հանրությանը: Գրում եք դուք՝ ընթերցում ու իրենց կարծիքներն ու տպավորություններն են թողնում բոլորը»: Կարծում եմ` շատ տիպիկ ու ճշգրիտ բնութագրում է:
Եվ ահա, ընտրելով շփման այս ձևաչափը, ես ուրախ եմ, որ շուրջ կես տարի է, ինչ ակտիվ, բարեկամական և ստեղծագործական շփում է սկսվել իմ ու իմ ընթերցողների` կայքիս այցելուների միջև, ինչի համար անսահման ուրախ եմ և ինչին ձգտում էի կայքիս ստեղծման առաջին իսկ օրվանից: Ասեմ ավելին, Ձեզանից շատերը դարձել են իմ ամենօրյա ընթերցողները, որոնք սիրով և, բառիս բուն իմաստով` ամեն օր, հետևում են կայքիս թարմացումներին: Իմ սրտում ես փայփայում եմ իմ հավատարիմ ընթերցողներին: Նրանց ջերմ ու հիացական վերաբերմունքը խիստ պարտավորեցնող ու շոյիչ հանգամանք է, իրողություն, որը ստիպում է մշտապես մտածել, աշխատել, ստեղծագործել, կանգ չառնել արդեն արվածի վրա` ամեն անգամ ներկայանալով լուրջ, վստահ ու սկզբունքային կերպով, իսկապես ասելիքով և, իհարկե, նորովի ու հետաքրքիր:
Սիրելի այցելուներ, վստահ եմ, որ մեր այս կապը կայքիս միջոցով կլինի միշտ, իսկ համագործակցությունը և անկեղծ ու ազնիվ բարեկամությունը էլ ավելի կխորանա: Ես էլ, իմ հերթին, կփորձեմ մշտապես ներկայացնել լավ ու բարի գեղարվեստական ստեղծագործություններ, գրքեր, ստեղծագործական այլ աշխատանքներ, և, իհարկե, լավ ու բարի, ստեղծագործող ու հետաքրքիր մարդկանց:
Առլեն, 29.07.2011
© Arlen Shahverdyan. The photos of the book “Right to Live”, 2012
© Լուսանկարները պաշտպանված են հեղիանակային իրավունքով, 2012:
© The Photos are Copyright Protected, 2012.
© Фотографии защищены авторским правом, 2012.
© Arlen Shahverdyan. “Right to Live” book, 2011. Photos of Lion Mark
Հարգելի բարեկամներ, պատիվ ունեմ Ձեր ուշադրությանը ներկայացնելու «Ապրելու իրավունք» գրքիս հետ սերտորեն կապված կայքիս այս բացառիկ նկարազարդ էջը: 2011 թվականի մարտին ես և իմ լավ բարեկամ` լուսանկարիչ Արտակ Ներսիսյանը այցելեցինք Երևանի կենդանաբանական այգի` առյուծի լուսանկարների շարք անելու նպատակով: Այգու նախկին տնօրեն Սահակ Աբովյանի հատուկ թույլտվությամբ և Գիշատիչների բաժնի աշխատակից Արման Պետրոսյանի մեծ աջակցությամբ ու հսկողությամբ իրականացրեցինք այս բացառիկ լուսանկարումը` հատուկ գրքիս ներդիրի համար: Ես իմ խորին երախտագիտությունն եմ հայտնում նրանց բոլորին և հրավիրում եմ Ձեզ դիտելու այս գեղեցիկ ու եզակի լուսանկարները: Դրանց մասին մակագրությունը երեք լեզվով է (հայերեն, ռուսերեն և անգլերեն):
***
Մարկ անունով փառահեղ այս աֆրիկյան առյուծը ծնվել է 2001 թվականին Երևանի կենդանաբանական այգում: 2001 թվականին, երբ մեր սիրելի այգին նշում էր իր 60-ամյակը, աֆրիկյան առյուծների զույգը լույս աշխարհ բերեց միանգամից 5 կորյունի, ինչը բացառիկ դեպք է աշխարհի կենդանաբանական այգիների մասշտաբով և հպարտություն ներշնչող հանգամանք` մեզ համար: Մարկը այդ ձագերից մեկն է: Այսօր նա արդեն 10 տարեկան է: Ի դեպ, 2011 թվականի մարտ ամսի տվյալներով` այգում բնակվում է 7 առյուծ:
Этот африканский величественный лев по имени Марк родился в 2001 г. в Ереванском зоопарке. В 2001 г., когда наш любимый зоосад отмечал свое 60-летие, пара африканских львов родила на свет сразу 5 львят, что является исключительным случаем в масштабе зоопарков мира и гордостью для нас. Марк – один из этих детенышей. Сегодня ему уже 10 лет. Кстати, по данным месяца марта 2011 г. в зоосаду проживает 7 львов.
This majestic African lion named Mark was born at the Yerevan Zoo in 2001. A pair of African lions gave birth to five lion cubs at once in 2001 when our favourite Zoo celebrated its 60th anniversary. It is an exceptional case on the world’s zoos scale and a pride for us. Mark is one of those lion cubs. It is already 10 years old today. By the way, according to the data on March, 2011, seven lions live in the Zoo.
***
© Առլեն Շահվերդյան, 19.12.2011
Լուսանկարներն արված են «Ապրելու իրավունք» գրքի համար և պաշտպանված են հեղինակային իրավունքով:
Լուսանկարները` Արտակ Ներսիսյանի, 2011 թ.:
© Арлен Шахвердян, 19.12.2011
Фотографии сделаны для книги “Право на жизнь” и защищены авторским правом.
Фотографии Артака Нерсисяна, 2011 г.
© Arlen Shahverdyan, 19.12.2011
The photos are taken for book “Right to Live” and are Copyright protected.
Photos by Artak Nersisyan, 2011.
Առլեն Շահվերդյան 