Home » Սոցիալական / Social
Category Archives: Սոցիալական / Social
Շարունակել ապրել. Երկրաշարժից տարիներ անց / Continue to live: years after the Earthquake
1988 թվականին 7 տարեկան էի, բայց ամեն բան հիշում եմ: Հիշում եմ ծնողներիս, բարեկամներիս վիշտն ու սարսափը, հիշում եմ, թե ինչպես էին մեզ թողնում տանն ու գնում այն ժամանակ՝ Լենինական, որպեսզի փնտրեն ու գտնեն կորածներին ու զոհվածներին, հիշում եմ մեր բարեկամուհու ցավալի մահը, հիշում եմ սարսափ առաջացնող պատմությունները աղետի գոտուց, հիշում եմ մեծահասակների արտասվակեզ ու այլայլված դեմքերը, երբ վերադառնում էին տուն ու կոկորդները սեղմելով փորձում բարձրաձայն չարտասվել, որ մենք՝ երեխաներս, չվախենանք: Երեխայի համար մեծահասակի սարսափած դեմքից ավելի սարսափելի բան չկա, չէ՞ որ մեծահասակի հայացքում երեխան միշտ փնտրում է խաղաղություն, վստահություն, հանգստություն, ուրախություն:
Տարիներ են անցել այդ ահավոր ու ավերիչ երկրաշարժից: Չկա հայ ընտանիք, որին այդ արհավիրքը շրջանցել է, լինի դա տան անդամի կորուստ, թե պարզապես ծանոթի: Տարիների հետահայաց դիրքից նայում ու լսում եմ աղետը վերապրածներին ու հավատում, որ մեր ժողովուրդը ուժեղ է և ունակ հաղթահարելու ամենադժվար փորձությունն անգամ, սրտում վառ պահելով հիշատակը՝ շարունակելու ժպտացող աչքերով նայել իր բալիկին:
Հպարտանում եմ նրանցով, ովքեր հաղթահարելով արհավիրքը, անցնելով այդքան դժվարությունների միջով շարունակել են ապրել:
Թող, որ լույսով պարուրվի Սպիտակում, Լենինականում (Գյումրի) և հայկական մյուս քաղաքներում ու բնակավայրերում երկրաշարժի զոհերի անմար հիշատակը: Թող, որ 1988-ին փլատակների տակից հնչած նրանց օգնության կանչերը մեզ միշտ հիշեցնեն ամենակարևորի մասին՝ սիրենք ու հոգ տանենք միմյանց նկատմամբ, միասնական լինենք ու միասին հաղթահարենք պատուհասած ցանկացած սպառնալիք կամ աղետ: Բոլոր ընտանիքներին մաղթում եմ ուժ ու կորով, ընտանեկան բարօրություն և անվտանգ, խաղաղ ու երջանիկ կյանք, իսկ մեր Պետությանը՝ հզորություն և բարգավաճում, որպեսզի այլևս չունենք աղետ գոտիներ, այլ կայուն զարգացմամբ քայլենք առաջ:
Սիրելի Ընթերցողներ, աշխարհահռչակ «Pour toi Arménie» հոգեցունց երգի առաջին իսկ հնչյուններից ու տեսահոլովակի առաջին իսկ պատկերներից ամեն անգամ ամբողջ մարմնով փշաքաղվում եմ, այնքան բան հիշում ու վերապրում: Համազգային այս ցավը միավորվելու ու միասնաբար հզոր լինելու զգայուն ու կարևոր ազդակ է, և ժամանակն է բոլորովս «փշաքաղվենք»: Ժամանակն է, որպեսզի բոլորս մեր միջով ևս մեկ անգամ անցկացնենք այս ամենն ու իմաստավորենք մեր գոյն ու անելիքը, մեր անցյալը, ներկան ու ապագան: Ժամանակն է, որպեսզի մեր տանջված մարմնի ամեն մի փշաքաղումը մեր զգայուն ու վառ կենդանության կարևոր ազդակ գնատահենք, ոգևորվենք ու հավատով նայենք ապագային: Ժամանակն է, որ մեր պայծառ մտքի ու արարող հոգու ամեն դրսևորումն համարենք հավերժ ապրելու մեր բանձևման գրավականն ու արգասիքը: Ես հավատում եմ մեր ժողովրդին, իմ ժողովրդին, որի մի մասնիկն եմ ես, մի «փշաքաղումը»:
Առլեն Շահվերդյան
In memory to all the victims of the Spitak Earthquake, December 7, 1988.
__________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
Նորից գալու է Հաղթանակի Գարունը քո
ՆՈՐԻՑ ԳԱԼՈՒ Է ՀԱՂԹԱՆԱԿԻ ԳԱՐՈՒՆԸ ՔՈ
Նորից գալու է Հաղթանակի Գարունը քո,
Արցա՛խ ու Հայաստա՛ն՝ մե՛կ Հայրենիք, մե՛կ հող,
Քո ծաղիկները տրորվեցին չա՛ր թշնամու ոտքով,
Բայց քո այգին մնաց որպես ոգու հուսաբեր շո՜ղ…
Նորից Եռատոննե՜ր, Քառատոննե՜ր շենշո՛ղ
Հնչերգելու են փա՛ռքը քո անմար,
Անցյալդ ու ներկադ՝ Հայոց սրտի անդադար դո՜ղ,
Իսկ ապագադ՝ լուսե՛ ու հաղթակա՛ն կամա՛ր:
Առլեն Շահվերդյան
Գրված՝ 07.05.2021
____________________
© Բանաստեղծության հեղինակային իրավունքները պաշտպանված են, արգելվում է այն օգտագործել կամ հրապարակել մամուլում, կայքերում և սոցիալական ցանցերում՝ առանց բանաստեղծության հեղինակի անունը նշելու:
___________________________________________________
Սիրելի՛ հայրենակիցներ Հայաստանում, Արցախում և Սփյուռքում, պատերազմի սիրելի՛ վետերաններ, սիրելի՛ ազատամարտիկներ, Հայաստանի և Արցախի զինված ուժերի սիրելի՛ սպաներ և զինվորներ, սրտանց շնորհավորում եմ մեզ բոլորիս Մեծ Հայրենական պատերազմում տարած հաղթանակի (Մայիսի 9, 1945), Շուշիի ազատագրման (Մայիսի 8, 1992), Երկրապահի օրվա (Մայիսի 8, 1997) և Արցախի Հանրապետության Պաշտպանության բանակի կազմավորման (Մայիսի 9, 1992) տարեդարձների առթիվ:
Մայիս ամիսը, հիրավի, շատ նվիրական հայ ժողովրդի համար, հաղթական ամիս է. նշում ենք մի քանի տոն, նշում ենք մեր հերոսական ոգու արտահայտությունը Երկրորդ աշխարհարամարտում, Արցախում: Այնտեղ կռվողները հավատով էին կռվում: Հավատում էին, որ ազատագրվելու է մեր Հայրենիքը, որ ապրելու ենք խաղաղ ու անվտանգ երկրում: Նրանք մարտի էին գնում այդ հավատն ու հույսը, այդ ներքին համոզմունքը իրենց սրտի տակ պահած:
Ամեն մայիսի 9-ին հոգիս մի տեսակ փառավորվում է: 1941-1945 թթ. Մեծ Հայրենական պատերազմում խորհրդային ամբողջ ժողովրդի ձեռք բերած փառահեղ հաղթանակը, որը մեզ բոլորիս լցնում է հերոս վետերանների սերնդի նկատմամբ հպարտությամբ և խորին երախտապարտությամբ, մեր սերնդի վրա, մեզանից յուրաքանչյուրի վրա դնում է առանձնակի պատասխանատվություն մեր իսկ, մեր երեխաների ու թոռների, հայրենիքի ճակատագրի համար: ժամանակին մի ամբողջ մեծ Հայրենիքի ճակատագիրը մեր քաջարի պապերի ու հայրերի ձեռքերում էր, նրանք այդ փորձությունը հաղթահարեցին պատվով` ազատագրելով աշխարհը չարիքից: Նրանք իրենց կյանքը զոհեցին հանուն խաղաղության: Մեզ՝ հայերիս համար, Երկրորդ համաշխարհային պատերազմում տարած հաղթանակն ունեցավ կենսական նշանակություն, իսկ մեր հարյուր հազարավոր հայ քաջորդիները իրենց անունները ոսկե տառերով գրեցին պատերազմի տարեգրության մեջ:
Պատվախնդիր հետևողականությամբ ստանձնենք պատասխանատվությունը մեր Հայրենիքի ապագայի համար և կառուցենք ու հզորացնենք այն` պատերազմի հետևանքները, արհավիրքներն ու վտանգները վերացնելու, կանխարգելելու և նոր սպառնալիքներին ավելի ուժեղ կերպով հակազդելու, արժանի հակահարված տալու համար: Ամբողջ առաջադեմ մարդկության հետ նշենք ֆաշիզմի նկատմամբ տարած ՄԵԾ ՀԱՂԹԱՆԱԿԻ տարեդարձը, անհանդուրժող լինենք մեր թշնամիների կողմից ագրեսիային, ահաբեկչությանը:
Եվ ուրեմն, փա՛ռք յուրաքանչյուր հայորդու` զորահրամանատարից մինչև կռվի շարքային մասնակից, Փա՛ռք հայ քաջ վետերաններին, փա՛ռք Արցախյան ազատամարտի նահատակված ու կենդանի բոլոր մասնակիցներին, փա՛ռք Ապրիլյան քառօրյա պատերազմի մասնակիցներին, փա՛ռք Արցախյան երկրորդ՝ 44-օրյա, պատերազմի մասնակիցներին և նահատակներին, փա՛ռք ու հավերժ հիշատակ յուրաքանչյուրին, ով իր կյանքը զոհեց այն լուսավոր ու հաղթանակած օրվա համար, որն ինքը կյանքում այդպես էլ չհասցրեց ապրել ու տեսնել, սակայն վաղուց տեսել էր իր երազանքներում: Փա՛ռք ու պատիվ բոլոր նրանց, ովքեր իրենց ստեղծարար կյանքով և հայրենանվեր գործունեությամբ շենացնում, զորացնում և շարունակելու են զորացնել և զարգացնել մեր Հայրենիքը:
Սիրելի՛ Ընթերցողներ, հատուկ ուզում եմ շեշտել հետևյալը. ՇՆՈՐՀԱՎՈ՛Ր Շուշիի ազատագրման տարեդարձը և ԿԵՑՑԵ՛ Շուշիի ապագա ազատագրումը: Այո՛, դեռ ապրելո՛ւ ենք Շուշին նորից ազատագրելու հաղթական պահեր, դեռ գրելո՛ւ ենք Շուշիի ազատագրման նոր ու վերջնական էջ Հայոց պատմության մեջ, դեռ ցնծությամբ ու հպարտ լուսանկարվելո՛ւ ենք ազատագրված ու ոսոխի ճանկերից փրկված Ղացանչեցոցի կողքին:
Տարիներ առաջ Շուշին ազատագրվեց հայրենանվեր հերոսների, իսկական նվիրյալների ջանքերով, և քաղաքն ապրում էր ազա՜տ, ապրում էր մեր գրկում, մեր սրտերում…
Այն, ինչ տեղի ունեցավ Շուշիի հետ 2020-ին՝ ՉՊԵ՛ՏՔ Է ԼԻՆԵՐ. Շուշին նորի՛ց թշնամու արնոտ ձեռքերում է, թշնամին նորից պաշարել է Շուշին, և դրա հետ համակերպվելն անհնա՛ր է ու անթույլատրելի՛: Պետք է շտկե՛լ, պետք է ուղղե՛լ եղածը: Տեղի ունեցածը մեզ ստիպում է ավելի մեծ հաստատակամությամբ ու պատասխանատվությամբ, ավելի մեծ նվիրումով, հետևողականությամբ ու համառությամբ նպատակադրվել մի օր անպայմա՛ն ազատագրելու մեր հինավուրց, չքնա՜ղ քաղաքը:
Եվ ուրեմն, ՇՆՈՐՀԱՎՈ՛Ր Շուշիի ազատագրման 29-րդ տարեդարձը և ԿԵՑՑԵ՛ Շուշիի ապագա ազատագրումը:
Շուշին Շուշա չի՛ դառնա,
Ինչքա՛ն էլ թուրքը ոռնա:
Պատիվ ունեմ՝
Առլեն Շահվերդյան
__________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
ԴԱՎԻԹ ՈՒԶՈՒՆՅԱՆԻ ԵՎ ՄԵՐ ՄՅՈՒՍ ԲՈԼՈՐ ՀԵՐՈՍՆԵՐԻ ՀԻՇԱՏԱԿԻՆ
2020 թվականի աշունն ուրիշ գույն ուներ, մի ուրիշ գորշ երանգ էր պատել հայկական ոսկեզօծ ու բազմագույն աշնանը:
Պատերազմի բոթը միախմբե՛լ էր, ահազանգե՛լ, հավաքե՛լ, տարե՛լ ու կանգնեցրե՛լ մահի՛ առաջ, պատվո՛վ կանգնեցրել նրա դեմ:
Ու կանգնա՛ծ էին մեր Տղաները, Զինվորներն ու Սպաները, որ ասես մեկիկ-մեկիկ մի գունե՜ղ աշնանային տերև լինեին գունազուրկ աշնան համայնապատկերում: Նրանք իրենց գո՛ւյնը, իրենց ոգի՛ն, իրենց կա՛մքն էին բերել պայքարելու՝ հանո՛ւն ազատության, հանո՛ւն արդարության, պայքարելու մահի՛ դեմ:
Մշուշով էր պատվում նրանց առավոտները, ու սառնօդությունից եղյամով պատված տերևի պես մեր Տղերքը դիմադրո՛ւմ էին այն ցրտին ու տերևաթափին, որն իր հետ բերում էր սառնաշունչ մահը: Եվ աշունն հենց իրենցո՛վ, իրենց գույնո՛վ լցվեց այդ տարին, աշունն հենց իրենցո՛վ ստացավ այն երանգները, որոնք իրենից խլել էր թշնամին:
Իսկ թշնամին նե՜նգ էր, նա սողոսկում ու լցվում էր Հայրենի եզերքներն ու փորձում կոտրել, ճնշել, ջարդել այն ոգին, որ մեր տղաներն ունեին: Չստացվե՛ց, չստացվե՛ց ու չի՛ ստացվելու, քանզի հենց այդ ոգի՛ն էր, որ կռվեցնում ու պայքարի էր հանում մերոնց, մեր քաջերին, մեր մատղաշներին, մեր Զինվորներին ու Սպաներին, կյանքի երկար ճանապարհի առաջ դեռ նոր-նոր կանգնած մեր աշնանազա՜րդ, սիրո՜ւն տերև-տղերքի՛ն:
Նրանց մեջ էր Դավիթը, որ ժամկետային ծառայությունն էր անցկացնում՝ ծառայակից Տղերքի հետ իր խրո՛խտ, իր խոսո՜ւն ասելիքը բերելով թշնամու գաղջին, իր ուրույն ու գեղեցիկ տերևի գո՛ւյնը բերելով թշնամու սանձազերծած գորշին ի հակառակ: Տաղանդավոր ու լուսավոր մի Հայ տղա, Հայ մարդ, Հայ զավակ, որ կրում էր իր մեջ մի ամբողջ նորանկախ պետության պատմություն: Պատահական չէր, որ Դավիթ Ուզունյանը Հայաստանի Հանրապետության 2001 թվականի առաջին ծնունդն էր, 21-րդ դարի և նոր հազարամյակի առաջին ծնունդը, ծնվել էր հունվարի 1-ին և, կարծես, իր բացառիկ ծնունդով ազդարարել մի նո՛ր ավետիս, մանկան իր ճիչով ավետել մի նո՛ր սկիզբ, մի նո՛ր կյանք, հայի ազգանվան մի նո՛ր «յան»:
Մշուշը թանձրանում էր ամեն անգամ, երբ թշնամին փորձում էր առաջանալ: Դավիթը կռվում էր Մռավ լեռան ամենաբարձր դիրքում: Քի՛չ է ասել, թե կռվում էր, Դավիթն իր ծառայակից Ընկերների հետ կյանքի ու մահու կռի՛վ էր տալիս և ամե՛ն անգամ հաջողությամբ հետ մղում թշնամու բազմամարդ հարձակումները, նրա նենգ ու բազմամարդ դիվիզիաների գրոհները: Ավելի՛ն, լինում էր այնպես, որ Դավիթն ինքը դուրս էր գալիս թաքստոցից կռվելու՝ Ընկերներին հորդորելով մնալ: Նա անվա՛խ էր, նրա տերևը չէ՛ր սասանվում թշնամու նենգադավ քամուց, նա գիտե՛ր իր անելիքը, գիտե՛ր, որ թիկունքում Տղե՛րն են, Ժողովո՛ւրդն է, Հայրենի՛քն է: Եվ ամեն անգամ, երբ լեռան բարձունքից մե՜ղմ քամին փչում ու շոյում էր իր երիտասարդ դեմքը, ասես շոշափում ու հպարտանում էր լուսավոր Դավիթի պայծառ էությամբ: Իսկ նա ունակ, շնորհալի, ամեն ինչում լավագույնին հասնելու և որակյալը լինելու ազնիվ մղում ուներ իր մեջ, անխոնջ ջանքերով ու եռանդով տղա էր, այնպիսի տղա, որի նմանների ուսերին է լինում Հայրենիքի բախտորոշ ճակատագիրն ու ապագան:
Դավիթն ուներ այդ գիտակցումը, նա գիտեր, որ էլ ումի՞ց, եթե ոչ հենց իրենի՛ց է կախված Հայրենիքի պաշտպանությունը, իրենի՛ց ու իր նման քաջարի Տղաների՛ց, որ Դավիթի կողքին էին, Դավիթի պես կռվում էին մեր Հայրենիքի սահմաններին, կռվում էին Հայաստանում ու Արցախում, մեր ազատագրված հողերում:
Ու կռի՜վ էր, կռի՛վ՝ Հայ տղաների ու չարքի միջև, կռի՛վ աշնանային գունազարդ տերևների ու թշնամու մահազդ կրող քամու միջև: Այնպիսի ահե՜ղ կռիվ, որ անգամ Մռավ լե՜ռն էր ներքուստ դղրդում, երբ ամեն անգամ մերոնք թշնամուն հե՛տ մղելով մռնչում էին հաղթանակա՛ծ ու գոչում բա՜րձր ու խրո՛խտ:
Մի քանի օր տևած ահեղ պայքարից հետո, հոկտեմբերի 1-ին, թշնամու նենգադավ քամուց ընկավ Դավիթը, ընկավ նրա տերևը, ընկավ Հայոց հողին՝ իր ուրույն, անկրկնելի, գեղեցիկ գույնը բերելով նրան, իր աշնանային գույնով պատելով Հայոց սուրբ հողը:
Ու խաղաղվե՜ց տերևը Դավիթի՝ պառկելով Մայր հողին: Հանդա՜րտ իջավ պարտադրված տերևաթափի ժամանակ, բայց իջավ հաղթանակա՛ծ, քանի որ Դավիթի պաշտպանած Մռավ լեռան ամենաբարձր դիրքը, իր գործած սխրանքի շնորհիվ, մնաց մեր հսկողության տակ:
Դավիթ անունով Հայոց աշնան տերևն իջավ, կամա՜ց պառկեց ու լցրեց իր գույնով և ոգով մեր հողը, այն հողը, որում դեռ բազո՜ւմ ծառեր են ծլելու ու բարձրանալու՝ տալով հազարավոր մատղաշ տերևներ, որպեսզի Հայոց կյանքը շարունակվի՛, Հայոց հողը բե՛րք տա, Հայոց ծառերը ծաղկե՛ն ու վե՛ր խոյանան:
Դավիթ էր մեր տղայի անունը, Դավիթ Ուզունյան, անուն, որ հավերժ կմնա մեր մյուս հերոսների հետ միասին, կմնա մեր սրտերում: Մի փխրո՜ւն և, միևնույն ժամանակ, ամո՛ւր ու ուժե՛ղ տերև, որ կռիվ տվեց քամու դեմ, հաղթե՛ց քամուն, հանդարտեցրե՛ց նրա ընթացքն ու հերոսաբար ընկավ հանո՛ւն խաղաղության:
Դավիթի պես գունեղ ու ոսկեզօծ հազարավոր Տղերք պաշտպանեցին Մեր Հայրենիքը՝ մեզ նորից պարտադրված պատերազմում, պաշտպանեցին քաջաբա՛ր, հերոսաբա՛ր, անձնվիաբա՛ր, նրանցից ամե՛ն մեկը մի տերև էր մեր Մայր ծառից, նրանցից ամե՛ն մեկը մի մռո՜ւնչ էր՝ մեր հոգուց, նրանցից ամե՛ն մեկը մի տերևի պատմություն էր, որն ավարտվեց 2020-ին, սակայն հնչելու է մի՛շտ:
Փա՛ռք ու պատի՛վ մեր Տղաներին, նրանք իրենց կյանքը չխնայեցին հանո՛ւն խաղաղության և ազատության, հանո՛ւն մեր պատվի ու արժանապատվության:
Փա՛ռք բոլոր նրանց, ովքեր ընկան հերոսաբար, փա՛ռք բոլոր նրանց, ովքեր կռվում ողջ մնացին ու վերադաձան հերոսացա՛ծ, վերադարձան ու պատմեցին իրե՛նց ու մարտի դաշտում ընկած իրենց ծառայակից, զինակից Ընկերների հերոսակա՛ն սխրանքների մասին: Փա՛ռք Հայոց բանակին, Սպաներին ու Զինվորներին, որ Հայրենիք պաշտպանելուն են կոչված և նվիրաբար իրականացնում են այդ սուրբ առաքելությունը:
… Մշուշը ցրվե՜ց, երկնքից, ասես, մի մե՜ղմ ձայն հնչեց, ասես մեկը կանչում էր. «Դավի՜թ…»: Եվ մի պահ, կարծես, հայկական էպոսի մի շունչ լիներ, Դավթի հերոսական ոգու մի կանչ: Դավիթ Ուզունյանն ու մեր մյուս բոլոր էպոսածին Դավիթները կռեցին մի նո՛ր էջ մեզ համար, Հայրենիքի համար արժանապատիվ պայքարելու ու զոհվելու հպարտություն բերող մի նո՛ր էջ: Այո՛, Հայը հերթական անգամ ցույց տվեց, որ թե հա՛րկ լինի՝ կյա՛նքն էլ կտա հանուն Հայրենիքի: Եվ մենք պիտի ապրե՛նք ու արարե՛նք, որ իրենց կյանքը Հայրենիքին տված Տղերքի համար ապրելո՛վ հաղթենք, ապրելո՛վ արարենք, ապրելո՛վ կռենք այն նո՛ր հաղթանակները, որ գալո՛ւ են, անպայմանորեն գալո՛ւ են, օրհնվելո՛ւ են, լինելո՛ւ են ու հաստա՛տ են լինելու:
Ննջիր խաղաղության, սիրելի՛ Դավիթ, Դու մեզ հետ ես, և ամե՛ն անգամ ժպտալու ես մեզ քո մեղմի՜կ ու խոսո՜ւն ժպիտով: Դու մեզ հետ ես ու միշտ կլինես մեզ հետ, քանի որ Հայրենի՛ք ես կրում քո մեջ, Հա՛յն ու Հայո՛ցն ես կրում մեր մեջ: Հայրենիքն էլ Քեզ է այսուհետև կրում իր մեջ, Քեզ ու մեր բոլոր զավակներին, որոնք ննջում են իր գրկում և որոնք հպարտ ու խրոխտ քայլում են Մայր հողի վրա, պատերազմ տեսած ու պատերազմ հաղթածի հոգեբանությամբ: Կեցցե՛ այն ապագան, որ Դու՝ Դավիթ, ու Ընկերներդ կռեցիք, կեցցե՛ Հայոց ապագան:
***
Դու քո տերևով մի Ծառ փրկեցիր
Դանդաղ ու ցավոտ տերևաթափից,
Ննջիր խաղաղի ու անդորրի մեջ
Մայր հողը լցրած քո ոգով անբիծ:
Եվ սերունդները ներկա ու բոլոր
Թող հավերժ պահեն անունը քո վեհ,
Մայր Հայրենիքի քաջարի զինվոր
Դավիթ Ուզունյան, հերոս անվեհեր:
Առլեն Շահվերդյան
29.11.2020
Խոնարհումս և երախտագիտությունս՝ Դավիթ Ուզունյանի Ծնողներին:
__________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
To the International Community / Мировому Сообществу / Միջազգային Հանրությանը
!!! To the International Community (Рус, Հայ ⬇️)
Dear All, Azerbaijani vandals desecrated the Surb Ghazanchetsots Armenian church in Shushi (Artsakh). This is a crime against Christian saints, a cultural genocide against the Armenian people and against all Christian world. All the Armenian centuries-old cultural and historical values are now under threat in Artsakh. The International Community must condemn these barbarities and suppress all possible acts against peaceful Armenian residents and the Armenian cultural heritage, which is a universal human value. We demand from the International Community to intervene before it is too late, before the Azerbaijanis have desecrated and destroyed everything.
Мировому Сообществу!!!
Дорогие Друзья, азербайджанские вандалы осквернили армянскую церковь Сурб Казанчецоц в Шуши (в Арцахе). Это преступление против христианских святынь, это культурный геноцид против армянского народа и против всего христианского мира. В Арцахе сейчас под угрозой все армянские вековые культурно-исторические ценности. Международное сообщество должно осудить эти варварства и пресечь все возможные деяния против мирных армянских жителей и армянского культурного наследия, которая является общечеловеческой ценностью. Требуем от международного сообщества вмешаться, пока не поздно, пока азербайджанцы не осквернили и уничтожили все.
Միջազգային Հանրությանը.
Հարգելի Բարեկամներ, ադրբեջանցի բարբարոսները պղծել են Շուշիի (Արցախ) Սուրբ Ղազանչեցոց հայկական եկեղեցին: Սա հանցագործություն է քրիստոնեական սրբությունների հանդեպ, սա մշակութային ցեղասպանություն է հայ ժողովրդի և ամբողջ քրիստոնեական աշխարհի հանդեպ: Ներկայումս Արցախում վտանգված են հայկական բոլոր դարավոր պատմամշակութային կոթողները, արժեքները: Միջազգային հանրությունը պետք է դատապարտի այս բարբարոսություններն ու կանխի հնարավոր հանցագործությունները հայ խաղաղ բնակչության և հայկական մշակութային ժառանգության նկատմամբ, որը համամարդկային արժեք է: Պահանջում ենք միջազգային հանրությունից միջոցներ ձեռնարկել, քանի ուշ չէ, քանի ադրբեջանցիները չեն պղծել ու ոչնչացրել ամբողջը:
Առլեն Շահվերդյան
Հրապարակումը՝ Ֆեյսբուքում / Публикация на Фейсбуке / The Publication on Facebook: https://www.facebook.com/ArlenShahverdyan/photos/
___________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
ECOCIDE ALERT IN THE SOUTHERN CAUCASUS / ԷԿՈՑԻԴԻ ՎՏԱՆԳ ՀԱՐԱՎԱՅԻՆ ԿՈՎԿԱՍՈՒՄ
ECOCIDE ALERT IN THE SOUTHERN CAUCASUS
Ecocide Alert in Nagorno–Kharabakh region amidst war between Armenia and Azerbaijan
Dear Partner,
As you may be aware, on September 27th, 2020, full–blown war exploded between Armenia & Azerbaijan over Naghorno-Karabakh (Artsakh) with four ceasefire regimes negotiated under the umbrella of Minsk OSCE Group, violated during October, 2020.
During this large-scale war, the most intensive since the 1994 ceasefire agreement in the Southern Caucasus region, a number of war crimes were mounted & documented, among them beheadings of Armenian soldiers, killing of civilians in a city square wrapped in Armenian flags, deliberate attacks on civilian infrastructures – residential buildings, churches, food markets, schools and maternity hospitals.
On October 30, 2020, the environmental community of Armenia, including local, regional & international environmental organizations, conservation pioneers, scientists and non-governmental organizations, was shocked to witness another disastrous war crime against natural ecosystems & crucial livelihoods of Artsakh.
As per credible reports & collected data, comprised by Human’s Right Defender of Armenia, Azerbaijani military forces have used white phosphorus munitions containing elements of chemical weapons in the primary forests of Artsakh, which is a gross violation of International Humanitarian Law, principles of Customary Law, Geneva Convention, Chemical Weapons Convention, Convention on the Prohibition of Military or Any Other Hostile Use of Environmental Modification Technique, as well as the provisions of the relevant UN conventions and documents. As video evidence shows, these weapons are being used in an attempt to burn down forests where-civilians are taking shelter from Azerbaijan’s attacks.
The ongoing large-scale war seriously threatens the biodiversity of the region, which has been recognized
as one of the world’s biodiversity hotspots. This region is well-known for its high rate of endemism and for being home to more than 6000 plant species, 153 species of mammals, 400 species of birds and other living organisms. Hundreds of plant and animal species found in Artsakh are listed both in the local Red Book and the IUCN Red List of Threatened Species having a protection status at a global level.
Among them are the critically endangered Persian (Caucasian) Leopard, known to migrate through Mrav ridge of Armenia & Artsakh towards the Iranian border, as well as to Azerbaijan and vice versa, which is a rare species with declining numbers protected at a regional & global level.
Furthermore, Armenia & Artsakh are known for their primary forests, which are amongst the most biodiverse forests in the region. Not only do these forests play a major role in preserving favorable environmental conditions for sustainable development, but local people are heavily dependent on these forests for their livelihoods. Traditional forest-related knowledge accumulated over thousands of years is deeply linked with the cultures of indigenous people living in Artsakh.
The usage of white phosphorus munitions by Azerbaijani forces in those forests will not only destroy valuable ecosystems & habitats and put threatened species at the risk of extinction, but will contaminate rivers & underground waters for years, thus turning into a major threat of regional scale for all the people and wildlife living in the region.
We are therefore calling out to the global conservation community for support to help stop the usage of white phosphorus munitions before they cause an environmental disaster and regional ecocide.
The usage of white phosphorus munitions contradicts to all the provisions of all environmental conventions including the Bern Convention, Nagoya protocol to Helsinki & Rotterdam conventions, verified by the Governments of both Armenia & Azerbaijan.
Although 98% of the global population live under the protection of the Chemical Weapons Convention, this
is, as we understand, unfortunately not applicable towards Armenia & ethnic Armenians living in Artsakh.
Ongoing developments continue to threaten any form of life in the region and thus we’re addressing you, as a leading environmental organization in the field, to:
● Write to appropriate contacts & conservation partners in your network to express your concern of the possible environmental destruction in Artsakh and the region
● Raise awareness within your networks/social channels and:
● Condemn the actions of any military force that uses white phosphorus munitions in forests & habitats destroying crucial ecosystems and therefore forbidden under international law.
● Call for responsibility to protect valuable ecosystems, species populations & genetic resources from ecocide in Artsakh.
● Call for moral responsibility in a time of war and exclude war crimes both against humans and nature.
Please kindly inform us, the undersigned, about actions undertaken by your organization advocating for sustainable development & environmental resilience, and further steps aimed at eliminating the risk of the ecocide in Artsakh region, which is a crucial habitat to threatened species & populations not recognizing political borders and/or regional disputes.
Link to video։ https://www.youtube.com/watch?v=qk4WBNmiygo
https://www.youtube.com/watch?v=rlzq39Em1ao
Yours sincerely,
1. Foundation for the Preservation of Wildlife & Cultural Assets (FPWC)
2. Armenian Society of Biologists NGO
3. Eco Waste Environmental NGO
4. Yerevan Aarhus Center
5. Armenia Tree Project
6. Sunchild NGO
7. Strategic Development Agency
8. Solution Hub NGO
9. Green Age NGO
10. American University of Armenia/Harutyun Alpetyan, Waste Governance Expert
11. Environmental Public Society
12. BlEJAN, environmental, social, business support NGO
13. Araves Bird conservation
14. Armenian Environmental Front, armecofront@gmail.com
15. BEM Youth progressive Action Center
16. Freedom of Information Center of Armenia
17. Institute of Botany after A.Takhtajyan NAS RA
18. World Independent Youth Union
19. Doctor Cinema Youth NGO
20. Amities Luxembourg – Armenie a.s.b.l
21. Formation et Sensibilisation de Luxembourg
22. Regional Development and Research Center NGO
23. “Econews.am” environmental informative website
24. Public Awareness and Monitoring Centre’ NGO
25. Dingo Team NGO
26. SALU (Sensibilité et Attention Luxembourg)
27. Caucasus Wildlife Tours
28. Armenian Environmental Network
29. Lab Inclusion (France)
30. Green Armenia Environmental Education NGO
31. White Squad Environmental NGO
32. “Armenian Botanical Society” NGO
33. SwIdeas AB (Sweden)
34. 500 km in Armenia”
35. Sunchild Eco – tours
36. BLESK LLC env. assessment org./Armenian Branch
37. “Dalma-Sona” Foundation
38. University of Traditional Medicine, Armenia
39. Armenian Women for Health & Healthy Environment NGO
40. One Health Coalition
41. “EcoLur” informational NGO
42. Clean Goris NGO
43. Country Water Partnership NGO
44. Sustainable Water Environment NGO
45. “Centre for Community Mobilization and Support” NGO
46. Green Lane NGO
47. “Consumers’ Consulting Center” NGO
48. My Forest Armenia NGO
49. “Support of Botanical Garden” Charity Foundation
50. Armenian Forests Environmental NGO
51. Transparency International Anticorruption Center
____________________________________________________________________________
Հարգանոք՝
_____________________
#RecognizeArtsakh, #RecognizeNagornoKarabakh, #StrongArtsakh, #IstandforArtsakh, #StopGenocidePolicy, #StopTurkey, #StopAzerbaijan, #StopAzerbaijansAggression, #StopTerrorism, #StrongArmenia, #TerroristTurkey, #TerroristAzerbaijan, #StopAliyev, #StopErdogan, #StopTurkishAggression, #DontBlind, #CeaseAzeriFire, #ArmeniaAgainstTerrorism, #StopGenocideinArtsakh, #StopAzerbaijaniAggression
___________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
Մեր աշխարհ-տանն ենք / We are in World-Home
Ամենաբարձրյալը փառաբանվում է յուրաքանչյուր դավանանքում: Յուրաքանչյուր կրոնում Տերը, Արարիչը տարբեր անուն ունի, տարբեր կերպ է կոչվում: Սակայն, բոլորին միավորում է հավատը Տիեզերական գերագույն զորության նկատմամբ: Իմ պատվելի ուսուցիչներից մեկի՝ պ.գ.դ. Ռոբերտ Դաշյանի խոսքերով եմ ուզում ասածս այլաբանորեն ներկայացնել. լեռան գագաթը մեկն է, և բոլորը փորձում են բարձրանալ հասնել գագաթին տարբեր միջոցներով՝ մեկը ոտքով, մյուսը պարանով, երրորդը՝ ավանակով, չորրորդը՝ ուղղաթիռով: Այդ միջոցները կրոններն են, որոնց բոլորի նպատակը մեկն է՝ հասնել արարչական ճշմարտությանն ու արժանանալ Տիրոջ ամենափրկիչ սիրուն և մաքրագործող լույսին: Ու թեև տարբեր կրոնների ազգություններ տարբերանուն աստվածություններ ունեն, միևնույն է, մեզ բոլորիս միավորում է ՍԵՐԸ, որը մեր մեջ դրված է Արարչի կողմից: Եթե մարդկությանը միավորի սերը, պատերազմներ չեն լինի, արհավիրքներ չեն լինի, երեխաներ չեն մահանա, ծերեր չեն մնա սոված: Աշխարհում այնքան վերք դեռ պիտի բուժվի ու այնքան սիրո պակաս կա: Ես, որպես առաքելական քրիստոնյա, հիմա ասում եմ փա՛ռք Քրիստոսին, փա՛ռք Տեր Աստծուն: Սեր, հավատ, հույս ու բարօրություն Ձեր բոլորի Ընտանիքներին, սիրելիներս:
*
Մեր աշխարհ-տանն ենք
Բե՜ռ է, գարնան կե՛սն է, դեռ ձմե՛ռ է,
Հոգիս մտահոգված լե՜ռ է՝
Լո՜ւռ հայացքով ծերունու…
Ծո՛ւռ է, մե՜ծ աշխարհը, պարզվեց, բո՛ւռ է,
Զարմանալի փոքր դո՛ւռ է.
Անգամ մեկի փռշտո՛ցը լսելի է մյո՛ւս ծայրում…
Հասկանալի՛ արդեն բան է,
Մի՛ ոտնաչափ աշխարհ-տանն ենք,
Որտեղ հենց մե՛ր պատճառով են
Ծաղիկները սխալ բուրում…
Փե՛ղկ է, մարդկանց գործած ամեն մեղքը.
Միայն հոգիդ մաքրելի՛ս է
Աստված ճակա՛տդ համբուրում:
Առլեն Շահվերդյան
Գրել եմ՝ 19.03.2020, 23:18 PM
____________________
© Սույն գրական կայքի կանոններով՝ հրապարակված բանաստեղծության հեղինակային իրավունքները պաշտպանված են, հետևաբար արգելվում է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և տվյալ էջի հղումը նշելու:
___________________________________________________
Սիրելի Ընթերցողներ, այս պահին սիրով առաջարկում եմ լսել Բարձրյալին փառաբանող մի հոգեցունց երգ՝ հրեա հայտնի երգիչ Ավրահամ Ֆրիդի կենդանի կատարմամբ: Վայելեք այս չքնաղ երգը:
__________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
Սին բարքերով վարակված / Infected with empty manners
Սին բարքերով վարակված
Մենք այս խուժա՛ն, կեղտո՛տ դարում
Միշտ աշխուժա՛կ ու անդադրո՛ւմ
Վարակում ենք մե՛կս մյուսին
Մեզ համակած սի՛ն բարքերով:
Եվ հարահո՜ս մեր այս դարը
Սև ու սպիտակ մեր նկարը
Մի օր խինդո՛վ ման է տալու
Քավարանի՛ միջանցքներով:
Շտապո՛ւմ ենք մենք՝ տեղում կանգնա՛ծ.
Մի քայլ առա՛ջ՝ երկու քայլ հե՛տ,
Սև՛ը ներսում՝ սպիտակի՛ն ենք
Ձգտում անվե՜րջ ու համոզվա՛ծ:
Եվ անկայո՛ւն հարացույցով,
Թո՛ւնդ մասնակցի վերջի՛ն ցույցով
Մեզ թվում է՝ հե՛տ մնացինք
Խոհակիցից մեր վարակված:
Բայց աշխարհը՝ վարպե՜տ է դեռ,
Սին ու դատարկ բարքերը մեր
Մաքրե՛լ գիտի, քանդե՛լ գիտի,
Սերմե՛լ գիտի հոգիներում…
Այնպես որ մե՛նք՝ կյանքի երթում,
Հավերժ անկա՛րգ՝ խառը հերթում,
Մե՛կ է՝ մի օր կանգնելո՛ւ ենք
Քավարանի՛ միջանցքներում:
Առլեն Շահվերդյան
26.03.2020, 10:00 AM
____________________
© Սույն գրական կայքի կանոններով՝ հրապարակված բանաստեղծության հեղինակային իրավունքները պաշտպանված են, հետևաբար արգելվում է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և տվյալ էջի հղումը նշելու:
___________________________________________________
__________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
Բարդ է այս աշխարհի բանը / The burden of the World is complicated
Համաճարակների, բնական տարերային աղետների ու արհավիրքների միջոցով Երկիր մոլորակը ժամանակ առ ժամանակ մեզ հուշում է, որ չափազանց անխնա ու սպառողական կերպով ենք վարվում իր հետ և, որ ժամանակն է կանգ առնելու ու հիշելու մեր մեջ ապրող բանական արարածին՝ հոգատար, սիրող ու խոհեմ Մարդուն: Մոլորակը հուշում է, որ ժամանակն է մի կողմ թողնելու մեր առօրյայի բոլոր տեսակի հազարերորդական հոգսերը, նեղանձնական շահերը և միավորվելու գլխավոր արժեքների ու նպատակների շուրջ, որոնք կօգնեն խաղաղ, ներդաշնակ ու արժանապատիվ ապրելու մեր կյանքը: Շատ ենք նեղացրել ու նեղացնում մոլորակին, զգաստանալու նշաններ է տալիս, չենք հասկանում:
*
Բա՜րդ է այս աշխարհի բանը
Բա՜րդ է այս աշխարհի բանը,
Կոկորդի՛ն ենք արդեն հասել,
Մինչ վազում ենք ա՛յս ու ա՛յն կողմ,
Կա՛նգ առնելու ու խորհելու վաղո՜ւց ժա՛մն է արդեն հասել:
Մեր սխալը հասկանալու
Եվ ուղղվելու պա՛հն է վսեմ,
Մինչդեռ կո՛ւյր ենք, խո՛ւլ ու հա՛մր,
Թեպետ այնքա՜ն շատ ենք սիրում բանահյուսե՛լ…
Եռուզեռից մեր անդադար
Մոլորակը պաշտպանելու ժա՛մն է ազդու,
Ծովակշի՜ռ խնդիրներից գլխավորի առանձնացման
Պա՛հն է հասնում:
Իսկ մենք նորի՛ց վազվզում ենք՝ շա՛հ բռնելով,
Անկարևոր նպատակից գրգռվելո՛վ,
Պտտվո՜ւմ ենք մեծ աշխարհի մեր ծակերո՛ւմ,
Մեղուների նման բզզո՜ւմ, բզզո՜ւմ անվերջ՝
Անմխիթա՛ր ու անմե՛ղր փեթակներում:
Բա՜րդ է այս աշխարհի բանը,
Կոկորդի՛ն ենք արդեն հասել,
Մեզ հրո՛ւմ է, որ տեղ բացի մեր նման մյո՛ւս արարներին,
Ու զայրագին տրորո՛ւմ է, որ արթնացնի՛
Մեր մեջ վաղո՜ւց արդեն մեռած Սե՛րն ու Բարի՛ն:
Առլեն Շահվերդյան
© Գրված՝ 06.04.2020, 21:10 PM
____________________
© Սույն գրական կայքի կանոններով՝ հրապարակված բանաստեղծության հեղինակային իրավունքները պաշտպանված են, հետևաբար արգելվում է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և տվյալ էջի հղումը նշելու:
___________________________________________________
My dear Readers, from time to time, through epidemics, natural disasters and catastrophes, the planet Earth reminds us that we treat it with utmost carelessness and consumerism. It reminds us, that it is time to stop and remember the intelligent creature that lives inside us – the caring, loving, and prudent Human. The planet reminds us that it is time to put aside all the unimportant worries and anxieties of our daily routine and unite around the core values and goals that will help us live our lives peacefully, harmoniously and with dignity. We contiue to offend the planet a lot, and it gives signs of waking up, signs, that we don’t understand. My new Armenian poem “The burden of the World is complicated” is about this hard issue. Respectfully, Arlen.
__________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
Միասնաբար հաղթահարենք / Let’s overcome together
Համաճարակները, բնական ու տեխնածին աղետները, պատերազմներն ու արհավիրքներն հենց այն փորձաքարերն են, այն խութերը, որոնք ստուգում են ամբողջ մարդկության միասնականությունն ու բանականության մակարդակը: Հենց այսպիսի իրավիճակներում է երևում Բանական մարդու տեսակն ու որակը, հենց այսպիսի իրավիճակներում է փորձաքննում նրա Մարդ լինելը: Մարդկությունը շատ դժվարություններ է հաղթահարել: Նոր կորոնավիրուսի տարածմամբ հերթական անգամ փորձության է դրվել մարդկության համերաշխությունն ու միասնականությունը: Վստահ եմ, որ միասնական ուժերով մարդկությունը կհաղթահարի նաև այս փորձությունը և դուրս կգա ստեղծված իրավիճակից ավելի ուժեղացած ու կոփված:
*
Միասնաբար հաղթահարենք
Մեկս մեկին ձա՛յն ենք տալիս ու չե՛նք լսում իրար նորից,
Կյանքի անզո՜ւսպ եռուզեռում մոռացե՛լ ենք խնա՛մք ու սե՛ր,
Աշխարհն այսօր մե՛զ է նայում, իսկ մե՛նք էլ՝ տան պատուհանից
Ընդամենը վերապրում ենք մեզ փայփայող անգի՜ն հույզեր:
Եվ վազելո՛վ, վռազելո՛վ, անտարբերի մեր դիմակո՛վ,
Չե՛նք նկատում՝ ի՞նչ է լինում մեր շո՛ւրջն ու մեր քթից անդի՛ն,
Սիրո մասին ճա՜ռ ենք ասում՝ անկենսունա՛կ մարդու դեմքով,
Հոգու խորքում՝ արհամարհա՛ծ ամե՛ն տեսակ օտար խնդիր:
Իսկ աշխարհը հզո՜ր է շատ, ուսը թոթվի՛՝ կընկնե՛նք մեկեն,
Եվ մեր դաժա՛ն ու անհոգի՛ վարմունքի դեմ կըպատժի՛,
Ո՞վ ենք, ի՞նչ ենք ու ինչո՞ւ ենք, որտեղի՞ց ենք ելե՜լ եկե՜լ,
Որ դե՜մ կանգնենք Մա՛յր Բնության՝ տիեզերքից եկող ուժի՛ն:
Ընդամենը պատուհանից իրա՛ր նայող մասնիկնե՛ր ենք,
Մեկ ընդհանուր օրգանիզմի միշտ տքացող բջի՛ջ ենք մի,
Պատուհասած խնդիրները միասնաբա՛ր հաղթահարենք,
Ո՛չ թե ամե՛ն մեկն իր համար իր տնակո՛ւմ զորավարի՛:
Առլեն Շահվերդյան
29.03.2020
____________________
© Սույն գրական կայքի կանոններով՝ հրապարակված բանաստեղծության հեղինակային իրավունքները պաշտպանված են, հետևաբար արգելվում է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և տվյալ էջի հղումը նշելու:
___________________________________________________
Dear friends, my new Armenian poem “Let’s overcome together” is dedicated to the situation that rules today in the world – the new coronavirus that became a real threat for all man kind. Only with united efforts we can overcome this problem, this world wide threat. I wish health to all of you and I pray God to help all the people in the world.
__________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
Առլեն Շահվերդյան 