Իմ սերը բնածի՛ն է / My Love is Natural!

Ինձ հաճախ կարելի է հանդիպել երևանյան այդ այգում, սիրում եմ հաճախ լինել այնտեղ, զբոսնել, պառկել ու հանգստանալ կանաչ խոտին, մտորել, ստեղծագործել: Այդ այգին յուրօրինակ ներշնչանքի աղբյուր է ինձ համար, Բնության հետ ներդաշնակության խաղաղ և ուրույն մի օազիս՝ քաղաքային եռուզեռի մեջ: Այգին կանաչով լի է, հին ու դուրեհաճ, և իմ քանի՜-քանի՜ բանաստեղծություններ ծնվել են հենց այնտեղ:

Եվ այսպես, այդ այգին Անգլիական կամ Երևանի թատերական այգին է, որը Երևանում առաջին ու միակ հասարակական այգին էր մինչև 1920 թվականը։ Այգին գտնվում է Գրիգոր Լուսավորչի, Մովսես Խորենացու և Իտալիայի փողոցների միջև։ Այն հիմնվել է 1850 թվականին, բայց պաշտոնապես բացվել է 1910 թվականի հոկտեմբերի 3-ին։ Անգլիական այգին մշտապես մարդաշատ է, լի է հանգստի համար նախատեսված խոտածածկ, ընդարձակ տարածքներով և բարձրակատար, փարթամ ու հնաբնակ ծառերով: Այգու կենտրոնում այն զարդարող հսկա, տպավորիչ շատրվանն է (որը լուսանկարել եմ), այն զովացնող ու գերող է: 

«Իմ սերը բնածի՛ն է» բանաստեղծությունս գրել եմ հենց Անգլիական այգում, նստարանին նստած, հեռախոսով՝ ներշնչված լինելով երևանյան խորհրդավոր ու գեղեցիկ բնատարածքի գեղեցկությամբ: Այնտեղ նորովի ես իմաստավորում բնության հետ ներդաշնակության և ապրեցնող սիրո կարևորությունը, այնտեղ գիրդ դառնում է զորեղ, մնայուն, ապագային միտված:
*

Իմ սերը բնածի՛ն է

Իմ սերը բնածի՛ն է, բնակա՛նչ է, բներա՜նգ,
Իմ ներշնչանքը բնությունի՛ց է սերմանում,
Նրա թավշյա կանա՛չն է ինձ՝ թանաք,
Նրա բույրի՛ց եմ ես մտքեր ստանում:

Ծնված օրից ինձ օրորում է իր գրկում՝
Աստվածատուր ճյուղապսա՛կ դրած գլխիս,
Ու քանի կա՛մ, ես բնությո՛ւնն եմ գովերգում,
Ինձնից հետո տալով իմ խոսքը տողերի՛ս:

Եվ իմ պոեզիան՝ տա՜ք ու բներգո՜ղ՝
Որպես կամո՛ւրջ՝ մարդու ու բնության,
Թող բնասե՛ր, բնապահպա՛ն ասելիքո՛վ
Ապրի՛ Մայր բնության հետ հավիտյա՛ն:

Իմ սերը բնածի՛ն է, բնակա՛նչ է, բներա՜նգ,
Իմ ներշնչանքը բնությունի՛ց է սերմանում,
Նրա թավշյա կանա՛չն է ինձ՝ թանաք,
Որով գրում եմ ու հավերժանում:

Առլեն Շահվերդյան

15.06.2019, 16:30 PM, Անգլիական այգում
____________________

© Սույն գրական կայքի կանոններով՝ հրապարակված բանաստեղծության հեղինակային իրավունքները պաշտպանված են, հետևաբար արգելվում է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և տվյալ էջի հղումը նշելու:
___________________________________________________

Dear Readers, there is a park in Yerevan where I often visit. I like to walk there, think and write poems. This is a very beautiful place, one of the oldest parks of Yerevan, which was founded in 1850 and opened in 1910. It is the first public park of the city and s called English park. It is always crowded, calm, with tall trees and green lawns. I can say that it is a great place of harmony with nature, a place for inspiration, especially for poets. In the center of the park there is a beautiful fountain, which I photographed. And just in this park I wrote a new Armenian poem recently, which is presented in this post.

__________________________________

ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:

Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________

ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.

Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway

*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment