Իսկ Դուք լրացրե՞լ եք Ձեր էջը, աշնան Ձեր դատարկ էջը լցրե՞լ եք մեղեդային քնարականով, այն թավշյա՜ երանելիով, որը հե՛նց աշնա՛նն է պատում մեր հոգիներին: Այն մե՜ղմ ու տերևառա՜տ ներքինով, որը, կարծես, ուզում է դո՛ւրս պրծնել մեր ներսից: Այն խաղաղո՜ւն դեղինով, որը, կարծես, աշնան եղանակային նստվա՜ծքը լինի՝ հոգու պատերին: Դուք լրացրել ե՞ք այն դատարկը, որը հե՛նց հիմա՛, հե՛նց ա՛յս աշնանը պիտի լցվի՛, ամբողջանա՛ ու լրացնի՛ երբեմնի չլրացվո՛ղ հո՜ւյզը, պակասո՛ղ խո՜սքը, անհրաժե՛շտ տա՜քը: Աշո՜ւն է, իսկ աշնանը բոլոր էջերը լցվում են, լցվում մեր խոհերո՜վ և այն ջերմությամբ, որը երբեմն այնքա՜ն անհրաժեշտ է մեզ և մեր սիրելիներին: Աշունը յուրաքանչյուրի՛նս է, ու ամեն մեկս յուրովի ենք գրկում նրան՝ մեր ուրույն ձեռագրով լրացնելով սեփական էջը աշնանային հաստափոր գրքում: Բաց չթողնե՛ք Ձեր էջը լրացնելու երանությունը, և լրացրեք այն այնպե՛ս, ասես գրիչը ո՛ւր որ է կվերջանա՛, իսկ է՛ջը՝ կավարտվի՛: Բաց չթողնե՛ք Ձեր էջը, այն երբեմն այնքա՜ն դժվար է տրվում կյանքում…
*
Աշնան դատարկ էջին
Դատարկ էջին ոսկեդեղին խոսքեր պիտի թողնեմ հիմա,
Որ անրջի աշնան ոգով իմ երազկո՜տ էությունը,
Թո՛ղ, որ դյութի՜չ տխրությունը այս վայրկյանից կորչի՛, գնա՛,
Դյութանքներից ավելի վե՜հ ոգեղենի՜ հաղթությո՛ւնն է:
Աշնան նրբի՜ն երանգներով հազա՜ր դատարկ էջեր լցրած՝
Ես գրում եմ մեղեդատառ բանաստեղծի իմ խոհե՜րը,
Աշունն է՛լ է ինձ պես լցվել՝ բյո՜ւր խոհերով հուսանացա՜ծ,
Որոնք բարձրաձայնել հիմա օգնում են չո՛ր տերևնե՜րը:
Մենավորի ու բազմության փխրուն ճյուղին ցողաթաթախ
Նստել եմ լո՜ւռ, բվի նման՝ իմաստախո՜հ ու ինքնամփո՛փ,
Հազա՜ր տերևաթափի դիմաց կարողացա մնալ անվա՛խ,
Հազա՜ր աշուն եկավ անցավ, բայց մնացի ես անփոփո՛խ:
Հնչյուններով տաղերգության, որ կախարդո՜ւմ են ինձ նորից,
Մի նոր աշո՜ւն է ինձ պատել, մի նո՛ր ոսկի՝ դյութի՜չ փայլով,
Բայց ես համա՛ռ եմ տրտմությա՜մբ, թեև՝ պիտի հյուծե՛ր նա ինձ,
Բայց ես նորի՛ց եմ՝ կրկնությա՛մբ՝ աշնանայի՜ն հմայիլով:
Բյո՜ւր աշուններ են դեռ գալու և տերևնե՜ր պիտի թափվեն,
Որպես նվե՜ր ներշնչանքի, որ բնությո՜ւնն է ինձ բերում,
Աշնան դատա՛րկ էջի վրա բանաստեղծե՜լ եմ ես արդեն,
Եվ թո՛ղ, որ գի՛րը իմ կարդան բոլո՛ր ժամանակներո՜ւմ:
Առլեն Շահվերդյան
Գրել եմ՝ 30.10.2018
____________________
© Սույն գրական կայքի կանոններով՝ հրապարակված բանաստեղծության հեղինակային իրավունքները պաշտպանված են, հետևաբար արգելվում է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և տվյալ էջի հղումը նշելու:
___________________________________________________
Dear Readers, my new Armenian poem “On Autumn Blank Page” is dedicated to thoughts that come in Autumn. Leaves, that fall from trees, morning walks in the yellow garden, being alone with yourself… all these are sources of inspiration. Every morning when I walk in the Autumn garden, I admire Autumn colors. Every morning a new poem comes to my mind. Autumn is full of inspiration and I feel that this time of year is so unique, so full of romantic emotions. When a writer sits in front of the table and starts to write, he has just an empty blank of paper. All the coming words are being written by his soul and mind, all the coming words are a result of inspiration that comes from the Autumn. I hope, that my poems, that I have written in Autumn and thanks to Autumn, will live forever and all the coming generations will read them. Autumn is a wonderful period of time and I am glad that I have so many thoughts and new poems in Autumn.
Arlen Shahverdyan
__________________________________
ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:
Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________
ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.
Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway
Առլեն Շահվերդյան 