Առլեն Շահվերդյան

Home » 2018 » October

Monthly Archives: October 2018

Սերս՝ աշնան դեղինում / My Love in the Yellow of Autumn

Կանայք մեր՝ տղամարդկանց, կյանքում հայտնվում են մեղմօրոր ու լիրիկական աշնան պես, նրանք են մեր կյանքի մեղեդային ու դեղին աշունը: Կանանց աշնան այդ ներշնչող «դեղինի» շնորհիվ է, որ մեր կյանքը լցվում է մյուս բոլոր գույներով:
*

Սերս՝ աշնան դեղինում

Աշնանային մո՜ւգ դեղինի երանգներո՜ւմ այս դյութական,
Որպես՝ թեթեևասա՜հ փերի, հայտնվեցիր կյանքիս կեսին,
Ինչ-որ երազ այդ վայրկյանին դարձավ այնքա՜ն եղելական,
Հավե՜րժ զգացմունքը՝ երդումի՛ց փոխվեց Հոգևորա՛ց ծեսի:

Ու աշնան մե՜ղմ երանգներում, բացի՛ց մինչև մո՛ւգը տաքի,
Քո գոյությամբ՝ երակներում իմ հոսեցին դեղի՜ն շիթեր,
Քեզ գրկելով թո՛ղ՝ մեր սիրո արնակարմիր նուռը ճաքի՛
Ու սիրաթե՜լ արահետը վառվի՛, ինչպես հույսի՛ կանթեղ:

Եվ, թո՛ղ՝ աշունը պոետիս մուսան չափի ոսկի՛ բերքով,
Թո՛ղ՝ երամնե՜ր նստեն ոտիս ու ե՜րգ կանչեն կտցաբերան,
Դու իմ աշխարհը զարդեցիր Քո կանացի անո՜ւշ տեսքով,
Ու բերեցիր իմ մուսային հազար ու մի գունե՜ղ երանգ:

Եվ գրկումով աշնանային ճաշակեցի համբո՜ւյրը Քո,
Որպես՝ թեթևասա՜հ փերի, ինձ գգվեցիր տերևի պես,
Ես խոնարհվո՜ւմ եմ Քո առաջ իմ սիրահարվա՜ծ դեմքով,
Եվ շնորհակա՜լ եմ, որ իմ կյանք աշնան դեղինը բերեց Քե՛զ:

Եվ, ահա, մո՜ւգ այդ դեղինի երանգներո՜ւմ կախարդական,
Որպես՝ անուշահա՜մ գինի, արբո՜ւնք բերիր կյանքիս կեսին,
Ինչ-որ երազ այդ վայրկյանից դարձավ այնքա՜ն եղելական,
Հավե՜րժ զգացմունքը՝ երդումի՛ց փոխվեց Հոգևորա՛ց ծեսի:

Առլեն Շահվերդյան

Գրել եմ՝ 28.10.2018
____________________

© Սույն գրական կայքի կանոններով՝ հրապարակված բանաստեղծության հեղինակային իրավունքները պաշտպանված են, հետևաբար արգելվում է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և տվյալ էջի հղումը նշելու:
___________________________________________________

Dear Readers, my new Armenian poem “My Love in the Yellow of Autumn” is dedicated to the eternal feeling – Love. Love to Woman. That Love gives happiness and energy, inspiration to create. In every Man’s life one day appears a Woman which changes his life forever. That Woman comes like a tender Autumn and gives love and hope for life. Thanks to Women our life is much more beautiful and full of meaning. Women are the melodic and romantic Autumn of our life and thanks to their inspiring “Yellow” of Autumn our life is full of all other colors.

Arlen Shahverdyan

__________________________________

ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:

Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________

ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.

Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway

Save the Planet Earth*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment

Կյանքս լցրեցիր երաժշտությամբ / You filled my Life with Music

Երաժշտությունն ուղեկցում է մեզ ամբողջ կյանքում: Ավելին, մեզանից շատերն ապրում են երաժշտությամբ՝ օրվա զգալի մասը լսելով իրենց սիրելի երգերն ու մեղեդիները և ընկղմվելով դրանց դյութիչ հնչյունների աշխարհը, ստանալով այն անհրաժեշտ ու կենսատու էներգիան, որ ճառագում է երաժշությունից: Ականջակալներով, թե նվագարկիչով, համակարգչով թե համերգասրահում, ավտոմեքենայի մեջ թե տրանսպորտում, ռադիոյով, թե հեռուստաեթերով, խնջույքներին, թե հանդիսություններին, փողոցում, թե տանը՝ երաժշտությունը միշտ մեզ հետ է: Երբեմն մենք անգամ հաղորդակցվում ու մեր ասելիքը միմյանց փոխանցում ենք հենց երաժշտության միջոցով: Այդ պահին այն, ասես, խոսող տեքստ լինի, այն հասկանալի ու երգեցիկ տեքստը, որը խոսում է աշխարհի բոլոր լեզուներով՝ փոխանցելով սեր կամ հիասթափություն, թախիծ կամ խնդություն, հուսալքություն կամ անսահման հավատ կյանքի նկատմամբ: Երաժշտությունը հոգու հայելին է ու հաճախ շատ բան է պատմում մեզ մարդու մասին: Եվ ուրեմն, որքան երաժշտական է մեր կյանքը, որքան լի է երաժշտությամբ, այնքան երաժշտական ենք մենք, հետևաբար՝ ավելի խոսուն ու զգայական ենք, նուրբ ու խորը: Մեզանից ամեն մեկը կյանքում իր երգն ունի և իր հնչյուններն է բերում այս կյանք, իսկ առավել հաճախ իր հնչյուններով լցնում է մեկ ուրիշի կյանքը՝ դառնալով նրա կյանքի կենարար երաժշտությունը: «Կյանքս լցրեցիր երաժշտությամբ»՝ այսպես է կոչվում իմ բանաստեղծությունը, որը գրել եմ երաժշտություն լսելով:
*

Կյանքս լցրեցիր երաժշտությամբ

Երաժշտական լեզվով եմ ուզում շփվել քո հոգու սարյակների հետ,
Որ նրանք հիմա դայլայլե՜ն անուշ՝ սիրո թրթիռնե՜ր պարգևելով Քեզ,
Երաժշտական լեզուն կամո՛ւրջ է, համամարդկային կապող-արահե՛տ,
Այն, ինչ բառերս չեն ասի տողով, թո՛ղ, որ փոխանցվի երգով իմ հանդե՜ս:

Մի՛ պտղունց թրթի՜ռ ու մի՛ բուռ կարո՜տ, մի՛ կում տրտմությո՜ւն՝ դա՜ռն ու հոգեմա՜շ,
Պիտի ես դնեմ եփվո՜ղ իմ երգո՛ւմ՝ անմա՜ր պատկերիդ որոնումներով,
Պիտի ծաղկունքի՜ նեկտարո՛վ լցնեմ երաժշտական գործիքնե՜րս հաշտ,
Երաժշտությամբ ապրող իմ հոգում սերս ծփո՜ւմ է ծովա՜կ հուներո՜վ:

Երգեհոնային հանդե՛ս է հնչե՜ղ, սրի՛նգն ու շվի՛ն ձուլվո՛ւմ են խաղո՜վ,
Ջութակներս՝ լա՜ր, մաղո՜ւմ են հոգուս հույզե՜րը ձգվա՛ծ ու դողե՜րն անմա՛ր,
Քո սիրող հոգուն փարվում եմ հիմա երաժշտական իմ ա՛ղ ու տաղո՛վ,
Ու ցնծո՛ւմ է իմ հոգի՜ն երջանիկ՝ քեզ միայն երգով սիրելու համար:

Երաժշտությունը կապում է մարդկանց, միացնում հազա՜ր թախի՜ծ ու հույզո՜վ,
Երաժշտությունը խաչմերո՛ւկն է հենց համամարդկայի՜ն մշակույթների,
Երաժշտական հնչյուններո՛վ են մարդիկ զրուցում միևնո՛ւյն լեզվով,
Ե՛րգն է, որ հաճախ ասում է բանե՜ր, որոնք չե՛ս ասի բույլով բառերի:

Ու հենց երգո՛վ էլ սիրո՜ւմ եմ ես Քե՛զ, գի՛րս էլ ե՜րգ է՝ գրչաբերանի՛ց,
Որով գովում եմ հմա՜յքդ անմար՝ մտքում երգելով տա՜ղ երջանկության,
Ցնծո՜ւմ է հոգիս լուսաժպիտո՜վ, առա՛ջ է անցնում խնդության ժամի՛ց,
Քո հնչյունների գոյությամբ անուշ կյանքս լցրեցիր երաժշտությա՜մբ:

Առլեն Շահվերդյան

Գրել եմ՝ 24.10.2018
____________________

© Սույն գրական կայքի կանոններով՝ հրապարակված բանաստեղծության հեղինակային իրավունքները պաշտպանված են, հետևաբար արգելվում է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և տվյալ էջի հղումը նշելու:
___________________________________________________

Սիրելի Ընթերցողներ, ես շարունակում եմ պարբերաբար Ձեզ ներկայացնել տաղանդավոր և ստեղծագործ մարդկանց, որոնք պատկանում են տարբեր մշակույթների: Ինչպես գիտեք, սա արդեն ավանդույթ է դարձել իմ գրական բլոգում: Հաճույքով եմ գրում հոդված որևէ տաղանդավոր երգչի/երաժիշտի, երաժշտական խմբի մասին, նրանց երգերը հաճույքով ներկայացնում իմ բանաստեղծությունների հրապարակումներում: Իմ համեստ ջանքերի հիմնական նպատակն է ստեղծել հնարավորություն կապի մեջ լինելու այլ մշակույթների հետ: Ցանկանում եմ, որպեսզի Դուք ավելի շատ բան իմանաք տարբեր մշակույթների ու ազգերի մասին, որոնք գոյություն ունեն աշխարհում, միգուցե՝ նաև ինքներդ Ձեզ համար բացահայտեք որևէ նոր ու նախընտրելի երգչի/երաժշտի, խմբի: Ես հարգում եմ աշխարհի բոլոր մշակույթները՝ օտարազգի Ընթերցողներիս մշտապես փորձելով ներկայացնել նաև հայկական դարավոր, հարուստ ու բացառիկ մշակույթը:

Այս անգամ ցանկանում եմ ներկայացնել Ձեզ մի շատ ուրույն ու տաղանդավոր երաժշտական խմբի՝ «Ինկա Սոլ» (Էկվադոր), որոնք ներկայացնում են հարավամերիկյան բնիկ ժողովուրդների ազգային երաժշտական մշակույթը: Առիթ եմ ունեցել ծանոթանալու խմբի անդամների հետ ու կիսելու իմ տպավորությունները: Խումբը շրջագայում է աշխարհով և արդեն տևական ժամանակ հանդես է եկել նաև Երևանում՝ Հյուսիսային պողոտայում հիացնելով հայ երաժշտասերներին: Առաջարկում եմ վայելել նրանց ազգային ինքնատիպ երաժշտությունը: Նրանց երգացանկից ես ընտրել եմ իմ մի քանի սիրելի կատարումները: Առաջարկում եմ դիտել նաև «Ազատություն» TV լրատվական կենտրոնի պատրաստած տեսանյութը (2015թ.) Հյուսիսային պողոտայում կատարումներով հանդես եկող խմբի մասին (դիտել 30:20-րդ րոպեից):

Dear readers, I continue to introduce to you talented and creative persons from other cultures. As you now this has become a tradition in my literary blog. It is my pleasure to write an article about a talented singer/musician, group and share the article with you. The main aim of my humble efforts is to create an opportunity to be in touch with other cultures. I want you to know more about different nations and cultures existing in our world, maybe to discover a new and preferred singer/musician, group for yourself. I respect all the cultures in the world always trying to introduce to my foreign readers also the Armenian centuries-old and unique culture.

Today I would like to introduce to you a very talented and unique group: “Inca Sol” (Ecuador). This group introduces to audience the Indian national/folk Music. I have met the members of the group and shared with them my impressions. The group is traveling around the world giving concerts in the streets. “Inca Sol” performed also in Yerevan, admiring Armenian music lovers passing along Northern Avenue. It is my pleasure to offer to listen to their unique national music. From their repertoire I chose some of my favorite songs. See also a special reportage about the group’s performances in Yerevan, on Northern Avenue, aired on “Azatutyun” TV news channel (watch from 30:20).

Arlen Shahverdyan

__________________________________

ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:

Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________

ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.

Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway

Save the Planet Earth*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment

Մահն՝ աշնանը / Death in Autumn

Մահը՝ որպես կյանքի ավարտ, միևնույն ժամանակ միշտ իմաստավորված է, քանի որ ինքն իրենով խորհրդանշում է նաև կյանքի շարունակականությունը, այն անվերջ շրջափուլը, երբ մահվանն հաջորդում է նոր կյանքի ծնունդը: Եթե տարվա եղանակներից ձմեռը վերածննդին՝ գարնանը, նախորդող խորը նիրհի մի յուրահատուկ ու խաղաղուն շրջան է, ապա աշնանը նկատվում է մահվան այլաբանական ընկալման ցցուն խտացում: Այդ խտացումն ամենուրեք է, մեր շուրջը և ներկայանում է մեռնող տերևների տեսքով: Սակայն յուրաքանչյուր տերևաթափ, որը մահվան խորհրդանշական դրսևորում է, ազդարարում է նաև ապագայում նոր տերևների, այն է, թե՝ նոր կյանքի շարունակականությունը: Աշունը տարվա գունագեղ ու հիասքանչ շրջան է, երբ տաք գույների ներկապնակում խաչվում ու միահյուսվում են լիրիկական մտորումներն ու ապրումները, աշխարհը գեղագիտորեն և նրբաճաշակ կերպով ընկալելու ու այդ ընկալումն արտահայտելու ազդակները: Եվ այս ամենի համատեքստում աշունը եղել ու մնում է ծանրախոհ մտքերի ու խորը զգայական ապրումների մի յուրահատուկ եղանակ, երբ անգամ մահն ունի ուրույն սիրառատ թրթիռ, ինքնատիպ հմայք ու խորք: Աշնանն անգամ մահն է բուրում սիրով, սեր՝ մարդկանց, բնության և կյանքի նկատմամբ…
*

Մահն՝ աշնանը

Աշնանը մահն ամենուրե՜ք է,
Քանզի ամենուր տերևաթա՜փ է:
Երբեմնի կանա՜չ, լուսե՜ մի երազ՝
Դեղնած տերևի թախծագի՜ն պարում:

Երջանի՜կը՝ լո՜ւրթ, կարծես՝ երեկ էր,
Դեպի երազը մի ոտնաչա՛փ էր,
Իսկ հիմա, մայթին՝ ծառերը նվազ,
Իրար հետևից մեռնո՜ւմ են, մարո՜ւմ:

Բայց խաչումներում կարմրագորշի
Ողբերգակը մի՛շտ կատակերգում է.
Աշնանը անգամ մա՜հն է գեղեցի՜կ՝
Տերևաթափի՝ իր ներկայությամբ:

Այն տարածո՜ւն է, ինչպես գոլորշին,
Իր համառությամբ՝ նաև կանգո՛ւն է.
Դեղին շապիկով մահաբեր բացիկ՝
Որ գրավում է քնարերգությա՜մբ:

Առլեն Շահվերդյան

11.10.2018
____________________

© Սույն գրական կայքի կանոններով՝ հրապարակված բանաստեղծության հեղինակային իրավունքները պաշտպանված են, հետևաբար արգելվում է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և տվյալ էջի հղումը նշելու:
___________________________________________________

Dear Readers, my new Armenian poem “Death in Autumn” is dedicated to a very unique theme. I think, that death is very beautiful in Autumn, when the leaves fall and everything dies down. While being attentive, one can notice that in the fall, in deep autumn death is everywhere. This lyrical death shows the cycle of life. The leaves fall – one life ends and the another begins in Spring. Trees are sad on the streets and thoughtful people walk on the pavements. Autumn is a wonderful time of the year when even death has its lyrics and charm. I love autumn, cause this is a very tender time to create new poems. Autumn inspires me a lot. I wish you all a wonderful and golden Autumn.

Arlen Shahverdyan

__________________________________

ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:

Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________

ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.

Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway

Save the Planet Earth*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment

Կյանքն անցնում է քո / Your Life passes

17 տարի առաջ ես թղթի վրա գրեցի մի բանաստեղծություն, որը սակայն վերջնականապես չավարտեցի, քանի որ զգացի, որ այն իր ավարտուն տեսքը պիտի ստանար հետագայում: Այն պիտի ապրվեր ու բովվեր իմ մեջ: Անցան կյանքի 17 տարիներ, ու խնամքով պահված ձեռագիր թղթի էջը համակարգչային շարվածքով նոր շունչ ստացավ: Եվ ահա, 2018 թ. սեպտեմբերի 29-ին բանաստեղծությունն ավարտեցի: Դրա հասունացման ամբողջ ընթացքը կյանքի մի հատված էր, որը, կարծես, անցավ աչքիս առաջ: Այդ ընթացքում ես ավելի հասունացա՝ շատ բաներ վերաիմաստավորելով ու վերաարժեքավորելով ինձ համար: Հասկացա, որ որքան էլ կյանքը դժվար է երբեմն, այն երբեք չի կորցնում իր արևային ու լուսաբեր հմայքը և երբեք չի խլում քեզանից երազելու ցանկությունը: Ավելին, կյանքը պահածդ երազանքն իրականություն դարձնելու հնարավորություն է տալիս և կողքից, ասես, հետևում, թե ինչպես ես այն իրականացնում: Մեր կյանքն անցնում է շատ արագ, և ամբողջ կյանքում մենք սլանում ենք մեր երազանքի հետևից՝ ամեն անգամ գնահատելով կյանքը:
*

Կյանքն անցնում է քո

Կյանքն անցնում է քո,
Ուզես, թե չուզես,
Եվ ժամանակը հաշվի չի՛ նստում,
Որ դու երազնե՜ր և իղձե՜ր ունես,
Որ նպատակնե՜ր դու ունես բազո՜ւմ,
Դա ժամանակին բնա՛վ չի՛ հուզում:

Ամե՛ն մի տարիք նոր գիրք է մի բաց,
Իսկ դու ստիպված ես քո ժամանակին
Քայլել համընթաց…

Կյանքն հաճախ է անարդա՛ր ու վա՛տ,
Երբ թևատո՛ւմ է բազեին ազա՜տ
Եվ թևեր տալիս հսկա ջայլամի՛ն,
Որը ճռռո՜ւմ է ու ճռճռո՜ւմ է
Մարմնի սեփական ծանրության ներքո…

Կյանքն անցնում է քո,
Ուզես, թե չուզես,
Եվ ամեն անգամ նո՛ր էջից ես դու
Ինչ-որ բան սկսում,
Անհաջողության դեպքում, ցասումով,
Քո ատամները իրա՛ր ես քսում,
Լեզո՛ւդ ես կծում,
Եվ չե՛ս նկատում՝ ինչպե՜ս է ծծում
Ամենավերջի՛ն ավյունը քո մեջ
Ժամանա՜կը չա՛ր,
Ինչպե՜ս է հյուծո՜ւմ:
Չե՛ս կարողանում անգամ զայրանա՛լ,
Ձեռքդ բռունցքե՛լ,
Կամ մի լավ թքե՛լ եղա՛ծ-չեղածո՛ւմ:

Կյանքն անցնո՛ւմ է քո,
Ուզե՛ս, թե չուզե՛ս:
Եվ հասունանո՜ւմ ու նորովի՛ ես աշխարհին նայում,
Քեզ նոր բաներ են արդեն հմայո՜ւմ:
Նույնը չեն արդեն բույրե՜րն անցյալի,
Հուշե՜րը լուսե:

Այն, ինչի մասին նախկինում գուցե գոռա՜լ կուզեիր,
Հիմա, թվում է, չի՛ արժում խոսել…
Այն, ինչի համար անցյալում համա՛ռ ու վստա՛հ էիր,
Հիմա երերո՜ւն, մի տեսակ խոհո՜ւն ու զգուշավո՜ր ես…

Կյանքն անցնում է քո,
Ուզես, թե չուզես,
Եվ լուսաբացին էլ չի՛ հերիքում շո՜ղը արևի.
Դու նպաստավոր մեկնա՛րկ ես ուզում…
Իրիկնամուտին էլ քեզ չի՛ բավում կույսը՝ «Բարև»-ի.
Դու մթնշաղի լրբի՜ն ես ուզում…
Փոխվում է արդեն անցնող օրվա հետ
Երազանքներիդ թողած ակո՜սը,
Այն, ինչից առաջ թևե՜ր էիր դու առնում առհավե՜տ,
Հիմա լցվում է աղբալի՜ փո՜սը…

Կյանքն անցնում է քո,
Ուզես, թե չուզես,
Բա՛յց, քամուց ելած փոշու ամպի մեջ,
Աչքերդ, մե՛կ է, արև՜ են փնտրում:
«Մնաս բարով»-ի հոգու ցավի մեջ
Դու, միևնո՛ւյն է, «Բարև՜»-ն ես ընտրում:
Երաշտի՛ց մեռած դաշտում բառերի
Քո կաթի՛լ ջրով այգի՜ է փռվում,

Կյանքն անցնո՛ւմ է քո,
Ուզե՛ս, թե չուզե՛ս,
Բա՛յց դու չե՛ս ծռվում…

Չի՛ մեռնում քո մեջ կյանքը փոխելու լուսերա՜զ միտքդ,
Չի՛ կորչում անհետ ներսդ օվկիանո՜ղ
Քո՝ արարելո՜ւ, տիրատո՛ւր ձի՜րքդ,
Եվ տաղա՜նդը քո՝ նորի՛ց ու նորի՛ց նո՜րն ապրելու…

Կյանքն անցնում է քո,
Ուզե՛ս, թե չուզե՛ս,
Բայց որքա՛ն էլ գո՛րշ ու անմի՜տ թվա՝
Քո ժամանակին դո՛ւ ես հաղթելո՜ւ:
Եվ լցնելու ես քո անխո՜նջ ջիղով
Կյա՛նքը լուսավո՜ր, մի՛տքը՝ ստեղծարա՛ր
Եվ դարե՜րը քո…

Այնպե՛ս որ՝ ի գո՛րծ,
Ժամանակ չկա՛,
Կյանքն անցնո՛ւմ է քո:

Հեղինակ՝
Առլեն Շահվերդյան

Գրել եմ՝ 2001.07.04 և 29.09.2018
____________________

© Սույն գրական կայքի կանոններով՝ հրապարակված բանաստեղծության հեղինակային իրավունքները պաշտպանված են, հետևաբար արգելվում է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և տվյալ էջի հղումը նշելու:
___________________________________________________

Հ.Գ. Մեծանուն շանսոնյե Շառլ Ազնավուրի «Emmenez-moi» երգը հատուկ եմ ընտրել «Կյանքն անցնում է քո» բանաստեղծությանս հրապարակման համար, քանի որ այն մարդկային երազանքի և դժվար ապրուստի պարագայում լուսավոր երազանքները չկորցնելու ու հեռավոր ափերում դրանց հասնելու անխոնջ ձգտման մասին է: Երգը հրաշալիորեն ներդաշնակվում է իմ ասելիքի հետ, իսկ դրա հոգեթով հնչյունների միջոցով փոխանցված անկրկնելի տրամադրությունն ու ոգին լցնում է հրապարակումս լուսավորությամբ:

Each of us passes a unique way of life. We often value things that loose their value in future, or we often not notice things that are so much important for us a. Life passes and day by day we grow older, we understand things and processes deeply, we gather for us values of more importance and throw away those, that are of no use. Life is cruel sometimes. It brings some surprises that make us think better or in other way. You try your best, you do everything to live better, but life has its own rules and you have to play them. Sometimes you go angry cause it becomes difficult to win the rules of life, to overcome, to reach the finish. But even you are angry you prefer the bright morning and the beauty of life to the darkness of sadness and hesitation. And you finally realize that you have to continue to live. You have to do more than you can, cause the life passes and there will remain less time to finish all your works and ideas, less time to make your dreams come true. Yes, life is cruel sometimes, it is hard and difficult, but it never take from your your dreams, it gives you opportunities to dream and to make those dreams come true. Life is looking at you like standing by and waiting for your efforts to reach the result. Everything depends on you. “Your Life passes” is the title of my new Armenian poem. 

Arlen Shahverdyan

__________________________________

ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:

Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________

ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.

Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway

Save the Planet Earth*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment

Շառլ Ազնավուրի հիշատակին / In Memory of Charles Aznavour

Սիրելի Ընթերցողներ, երեք ամիս առաջ էր, երբ հրապարակեցի Շառլ Ազնավուրին նվիրված «Կյանքի վերելակով» վերնագրով բանաստեղծությունը՝ խնդրելով, որ նա շարունակի լինել, շարունակի ապրել, որովհետև շատ է պետք մեզ:
…Այսօր՝
հոկտեմբերի 5-ին, բոլորս ուղիղ եթերում հուզված հետևում էինք Շառլ Ազնավուրի հրաժեշտի արարողությանը Փարիզում:
Սիրելի՛ Շառլ, դու հիմա հեռանում ես, հոգիդ անջատվել է ծովակշիռ ու հոգնատանջ մարմնիցդ և սավառնո՜ւմ է հեռվում… Ուղարկում եմ Քո հետևից «Շառլ Ազնավուրի հիշատակին» վերնագրով իմ այս նոր բանաստեղծությունը, որ այն հասնի Քեզ ու ամո՜ւր գրկի… Հանգչիր խաղաղությամբ, ՄԵԾ ՀԱՅ, մեր սիրելի Շառլ: Թող հավիտենական լույսի մեջ պարուրվի Քո փառահեղ հոգին: Դու ազգային և համաշխարհային հավերժ արժեք ես ու պարծանք:
Խոնարհումով՝ Առլեն Շահվերդյան
*

ՇԱՌԼ ԱԶՆԱՎՈՒՐԻ ՀԻՇԱՏԱԿԻՆ

Դու քո մահով մութ չե՛ս բերել,
Դու քո երգով լո՜ւյս ես վառել,
Ու այն հավե՜րժ վառվելու է մեր սրտերո՜ւմ,
Լուսավորող կանթեղի՛ պես՝ արահետի՜ն:

Եվ դեղնավո՜ւն, հոգեպարա՜ր լույսի ներքո
Մի՛շտ հիշելու ենք կարոտո՜վ
Երգի հավե՜րժ մեր պոետին:

Հիշելու ենք ամե՛ն ջիղդ, շո՛ւնչդ ամեն,
Հիշելու ենք տխո՜ւր դեմքով,
Սակա՛յն՝ որպես լուսապայծա՜ռ կյանքի բոհե՜մ,
Որպես հույսի՛ վա՜ռ մունետի՛կ:

Եվ անսահմա՜ն հպարտությամբ
Աղոթելո՜ւ ենք Քո երգով՝
Որ հիասքա՜նչ է, սիրալո՜ւր:

Եվ անսահմա՜ն հպարտությամբ
Ուր էլ լինենք՝ գլուխը բա՜րձր
Ասելու ենք, – Ազնավո՜ւր:

Հեղինակ՝
Առլեն Շահվերդյան

© Գրել եմ՝ 02.10.2018, 02:45 AM
____________________

© Սույն գրական կայքի կանոններով՝ հրապարակված բանաստեղծության հեղինակային իրավունքները պաշտպանված են, հետևաբար արգելվում է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և տվյալ էջի հղումը նշելու:
___________________________________________________

«Emmenez-Moi» երգը՝ Ազնավուրի կենդանի կատարմամբ և Նրա մահից հետո / The song “Emmenez-moi” during Aznavour’s life performance and after His death.

__________________________________

ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:

Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________

ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.

Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway

Save the Planet Earth*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment

Կենդանիների պաշտպանության համաշխարհային օր / World Animal Day

Սիրելի Ընթերցողներ, սրտանց շնորհավորում եմ Կենդանիների պաշտպանության համաշխարհային օրվա առիթով:

Սիրենք, հոգ տանենք և պահպանենք վայրի բնաշխարհը: Երկիր մոլորակը ոչ միայն մեր՝ Մարդկանց, այլև Կենդանիների բնօրրանն է: Նրանք մոլորակի վրա ապրում են մեզանից շատ վաղուց, և մենք պարտավոր ենք պահպանել նրանց՝ հանուն մոլորակի բարօրության և ներկա ու ապագա սերունդների՝ երջանիկ, լիարժեք ու ներդաշնակ կյանքի:

Ամբողջ աշխարհն այս օրը՝ հոկտեմբերի 4-ին, նշում է Կենդանիների պաշտպանության համաշխարհային օրը (World Animal Day) կամ ուղղակի Կենդանիների համաշխարհային օրը: Այն ընդունվել է 1931թ. Ֆլորենցիայում անցկացվող բնության պաշտպանության շարժման կողմնակիցների միջազգային համաժողովում:
Կենդանիների պաշտպանության կողմնակիցներն աշխարհի տարբեր երկրներից պատրաստակամություն հայտնեցին այդ օրը զանգվածային բազմաթիվ միջոցառումներ անցկացնել՝ հօգուտ կենդանիների պաշտպանության:
Արևմտաեվրոպական շատ երկրներում համարվում է, որ տնային կենդանիներն ընտանիքի մի մասն են և ունեն իրավունքներ, ինչպես մյուս անդամները:
Ընտանի կենդանիների թվաքանակով առաջին տեղում է ԱՄՆ-ը, երկրորդ տեղում՝ Ռուսաստանի Դաշնությունը, որտեղ ամեն երրորդ ընտանիքում պահում են իրենց փոքր ընկերներին:
Վերջին տարիներին Կենդանիների համաշխարհային օրվան նվիրված միջոցառումներ են տեղի ունենում աշխարհի ավելի քան 60 երկրում:

Dear friends, please accept my cordial congratulations
on the World Animal Day!

World Animal Day is celebrated each year on October the 4th. It started in Florence, Italy in 1931 at a convention of ecologists. On this day, animal life in all its forms is celebrated, and special events are planned on locations all over the globe. The 4th of October was originally chosen for World Animal Day because it is the feast day of Francis of Assisi, a nature lover and patron saint of animals and the environment. Numerous churches throughout the world observe the Sunday closest to October the 4th with a Blessing for the Animals.
However, World Animal Day has now gone beyond being the celebration of a Christian saint and is today observed by animal-lovers of all beliefs, nationalities and backgrounds. Animal blessings are held in churches, synagogues, and by independent Animal Chaplains in parks and fields. Animal rescue shelters hold fundraising events and open days, wildlife groups organize information displays, schools undertake animal-related project work and individuals and groups of friends or co-workers donate to animal charities or pledge to sponsor a shelter animal.
In Argentina it is celebrated on April 29 as a tribute to the death (in 1926) of Dr. Lucas Ignacio Albarracín. Albarracín was, along with Domingo Faustino Sarmiento, one of the founders of the Sociedad Argentina Protectora de Animales (Argentine Society of Protection of Animals) and the proponent of the National Law on Protection of Animals (No. 2786).

Дорогие друзья, примите мои сердечные поздравления
со Всемирным днем животных!

Всемирный день защиты животных или просто День животных (англ. World Animal Day) — международный день призванный обратить внимание человечества на проблемы остальных обитателей планеты Земля. Эта дата отмечается ежегодно 4 октября.
Отмечать этот день было решено во Флоренции (Италия), в 1931 году, на проходившем там международном конгрессе сторонников движения в защиту природы.
Дата проведения всемирного дня защиты животных была выбрана не случайно. 4 октября — день памяти о Франциске Ассизском (умер 4 октября 1226 года), одном из самых почитаемых в католической церкви святых. Франциск Ассизский считается у католиков покровителем животных, поэтому участники конгресса и остановились именно на этом дне.
Идея проведения подобного дня прижилась по всему миру и в 2008 году различные мероприятия, посвященные этой дате, прошли уже в 66 странах мира.

© Arlenshah.wordpress.com, 04.10.2018

Տեղեկույթի աղբյուրները / The information sources:
1. http://www.1in.am/arm/world_event_118597.html
2. http://www.worldanimalday.co.uk/
3. http://en.wikipedia.org/wiki/World_Animal_Day

Լուսանկարների աղբյուրները / The sources of the photos:
1. http://www.goodfon.ru/ (The photos with animals)
2. http://www.worldanimalday.co.uk/ (The World Animal Day logo)

__________________________________

ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:

Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________

ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.

Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway

Save the Planet Earth*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment
%d bloggers like this: