Առլեն Շահվերդյան

Home » Հայք / Armenia » Երևանյան աշուն / Yerevan Autumn

Երևանյան աշուն / Yerevan Autumn

Ամեն օր վաղ առավոտյան զբոսնում եմ այս այգում՝ ներշնչվելով աշնան անզուգական գեղեցկությամբ: Լուսանկարն արել եմ՝ նոյեմբերի 1-ին, 2017 թ. / Every day early in the morning I take a walk in this park, inspiring by the beauty of Yerevan autumn. The photo is taken by me on November 1, 2017.
.

Երևանյան աշուն

Իմ հոգում հիմա աշո՜ւն է ոսկե,
Բնության հրա՜շք՝ կապո՜ւյտ վերևից,
Շո՜ւրջս՝ չորացած ճյուղերի հյուսքեր,
Նե՜րսս՝ ոսկեթե՜լ գորգ է տերևի:

Ամե՛ն գույն ունեմ ներկապնակում,
Վրձինը մտքի իմ թաթախելիս,
Հույզե՜րն են եռում աշնան թանաքում՝
Պոետի գրչով աշուն գովելի՜ս:

Չվող երամի հեռացո՜ղ ձայներ,
Վե՜հ կաղինների հատակին մեռնում,
Թանձրամշուշո՜վ ողողված ծառեր,
Խոնա՜վ բույրերի օդային խառնում:

Եվ մանրակաթիլ անձրև՝ վերևից,
Որ նոյեմբերյան տա՜ղ է դյութանքի,
Մի չքնա՜ղ լարում՝ գրողի սրտից
Որ վերածվում է պարեղանակի:

Այս տարի՛ էլ է քաղաքն հմայե՜լ,
Այս աշնա՛նն էլ է Երևանը սե՜ր,
Շա՛տ տեղերում եմ նոյեմբեր նայել,
Բայց աշուն միա՛յն այստեղ եմ տեսել:

Հեղինակ՝
Առլեն Շահվերդյան

© Առաջին քառատողը գրել եմ վերևում նշված նույն այգում, 2017 թ. հոկտեմբերի 30-ի վաղ առավոտյան, իսկ ամբողջ բանաստեղծությունը գրել ու ավարտել եմ նոյեմբերի 1-ին:

Այս բանաստեղծության հեղինակային իրավունքները պաշտպանված են, հետևաբար ԱՐԳԵԼՎՈՒՄ Է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և սույն էջի հղումը նշելու:

Սիրելի Ընթերցողներ, աշնանը նվիրված և այսօր՝ նոյեմբերի 1-ին, գրված այս միանգամից երկու ստեղծագործությունները՝ բանաստեղծությունն ու էսսեն, բուռն ներշնչանքիս և ոգևորությանս անկեղծ ու աշնանաթաթախ արտահայտությունն են: Մեկ հրապարակման մեջ և՛ չափածո և՛ արձակ գործերիս ներկայացումը, ինչպես նաև կրկին այսօր իմ կողմից արված լուսանկարը, մեկ ամբողջական ու օրգանական նյութ են և, միևնույն ժամանակ, յուրաքանչյուրն առանձին գործ է, մի առանձին «աշուն»:
.

Առլեն Շահվերդյան. ԵՐԵՎԱՆՅԱՆ ԱՇՈՒՆ (էսսե)

Տարվա եղանակներից գարունը, ամառն ու ձմեռը Երևանում գեղեցիկ են այնպես, ինչպես աշխարհի շատ քաղաքներում, Երևանի եղանակային իրական այցեքարտը, սակայն, աշունն է, այն իսկապես առանձնահատուկ է, այն քաղաքի հարստությունն է: Եթե որևէ մեկը Երևանում չի եղել աշնանը, ապա նա չի տեսել իրական Երևանը, քանի որ աշունը Երևանում հորդում է, այն ամենուր է, ամեն քայլափոխին, ամեն տրամադրության և անտրամադրության, հավանականի և անհավանականի, տեսանելիի ու անտեսանելիի, առօրեականի ու բացառիկի մեջ:
Ոչ միայն ամենուր, այլև ամեն ինչում ու ամեն ինչով է աշնանը Երևանը չափազանց ու առանձնահատուկ աշնանային, մի տեսակ ուրիշ աշնանային՝ դեպի խորհրդավորությամբ լեցուն հեքիաթային տիրույթ, երբ հասարակ տերևաթափն անգամ առանձնահատուկ հարազատ է, քոնն է, իսկ աշնանային գունազարդ տեսարանները հայրենի բնության ազգային հարստության արգասիք են:
Աշուն է Երևանի յուրաքանչյուր անկյունում, ամեն մի ծերպից, ամեն մի ծառից թափված տերևանախշ գորգի վրա և մարդկային ամեն մի տաքուկ հայացքում:
Աշունը Երևանում շքեղ է ու առատ, այնքան վեհ ու առատ, ինչպես անշահախնդիր ու առատաձեռն բարերարն է, որը մինչև վերջին իր ունեցվածքը պատրաստ է տալու, կիսվելու դրանով: Այդպես առատաձեռն էլ երևանյան աշունն է: Առատ են գույները, բույրերը, հույզերը, մտորումները, ապրումները, մեծ է ներշնչանքը և առատ են դրանից բխող արարումները: Այո, աշունը Երևանի առատությունն է ու վեհությունը, անշահախնդիր և անմնացորդ կերպով տրվելու հատկությունը, պարգևելու ու նվիրաբար կիսվելու սրտացավությունը, վեհանձնորեն հիացնելու, գեղեցկությամբ, սիրով ու գորովանքով պարուրելու բարեշնորհությունը:
Հենց աշնանն է Երևանը բնությանը ամենամոտը լինում, հենց աշնանն է երևանցին բնության հետ ամենաներդաշնակ վիճակում, քանի որ իր ու աշնան գույները միավորվում են՝ ստեղծելով նոյեմբերյան չկրկնվող լուրթ երկնքով օրհնված մի փխրուն գունապնակ, որում աշնանային դեղինը, շագանակագույնը, կարմիրն ու ոսկեգույնը հրաշալիորեն միախառնվում ու համադրվում են մարդկայինի սպիտակին, սևին ու գորշին: Աշունը մարդ-բնություն զգայուն ու փխրուն հարաբերության և միաձուլման երևանյան առաջարկն է, երևանյան ծրագիրը և ուրույն ձևաչափը:
Հիմնականում հենց աշնանն է Երևանը ստեղծագործում, արարում, պրպտում, փոփոխվում ու ստեղծում նորը, տերևից քամում ներշնչանք ու թեյից՝ ոգի, անձրևաջրով լցված ջրափոսերից վարորդի դժգոհությունը միախառնում այգում վազվզող ու տերևների շրշյունից խանդավառված երեխայի հիացական բացականչություններին:
Հենց աշնանն է երևանցին և՛ ուրախանում և՛ լցվում մտածմունքով ու մի տեսակ դյութիչ տխրությամբ: Հենց աշնանն է քաղաքը փոխում իր տեսքն ու հրապարակավ մերկանալով նորից ու նորից հագնվում՝ կրելով գունագեղ զգեստներ, հիացնելով, ինչպես շքեղաշուք կինն է հիացնում՝ երեկոյան պարահանդեսին: Աշնանը Երևանը ամենից շատ է պարում, պարում են քամուց բարձրացած տերևները, օդում օրորվող տոպրակները, անգամ դեպի տաք երկրներ չվող թռչունների սուրանկյուն շարքերն են պարում՝ օդային հոսանքներում պարահանդեսային վալսի իրենց բաժինը կատարելով ու հեռանալով:
Գեղեցիկ է աշունը Երևանում, Երևանինն է աշունը և Երևանն էլ աշնանն է, ինչպես իրար փոխլրացնող երկու բևեռ, երկու նյութեղեն ու աննյութ արժեք, իրար ձգող երկու էներգետիկ դաշտ, երկու աշխարհ:
Այո, Երևանն իր ողջ ներկապնակով, հմայքով ու առանձնահատկությամբ ճանաչելու համար պետք է լինել այստեղ աշնանը, որպեսզի ապրված լինեն աշնանային հույզերը, և որպեսզի վերապրելով Երևանյան աշունը՝ մտքում ու հոգում ամեն անգամ տեղափոխվես դեպի աշնանային այգի, լսես հեռացող երամների ձայնը, ամեն մի ծերպից նկատես հոսող գույներն ու հաճելի, անուշ խոնավաբույրը քիմքիդ զգալով՝ վայելես Երևանյան վեհ աշունը՝ ամենաքաղաքայինը՝ աշուններից և ամենաաշնանայինը՝ քաղաքայիններից:

© Առլեն Շահվերդյան

To my foreign Readers – Dear all, I have the honor to introduce to you my new poem “Yerevan Autumn” (written on 01.11.2017). As always I tried to translate the poem for all my foreign readers. The following is a literal (word for word) translation of the poem, trying to make the meaning of the poem more understandable and available for all.

This Poem is Copyright Protected, so IT IS PROHIBITED to share it on Social Network or other Websites without the reference (link) to its Author and to this Page.

Yerevan Autumn

There is a golden Autumn in my soul,
That is a magic of the Nature coming from the blue sky,
I am admired with the knitting of the dry branches around me,
While inside me there is a golden carpet, made from leaves.

I have all the colours in my palette,
When I draw with my brush of mind,
There are boiling emotions in the Autumn ink,
When singing Autumn with the Poet’s pen.

The outgoing sounds of migratory birds,
Dying of the noble acorns on the ground,
Trees that are washed with fog,
And the air mix of the wet smells.

A tender rain, coming from the sky,
Which is a November carol of enchantment,
An awesome tension from the Writer’s hug,
Which is turning into a dancing melody.

This year the City is again delightful,
This Autumn Yerevan is Love again,
I have looked at November in many places,
But I have seen Autumn only here.

© Author – Arlen Shahverdyan, The poem is translated into English by the author.
The poem is copyright protected. © All Rights Reserved, 2017.

__________________________________

ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:

Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________

ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.

Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway

Save the Planet Earth*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment

4 Comments

  1. utesmile says:

    Lovely Autumn is wonderfully celebrated with a beautiful poem of yours. Enjoy the dancing leaves and the love in your city!

  2. Such a beautiful poem and photo, Arlen. You have captured the essence of autumn 🍂. I love Vivaldi so thank you for including that. Have a wonderful week!

    • Dear Linda, I was so glad to receive your kind comment. Your constant and kind attention to my literary activity always inspires me a lot. Thank you my dear!:) Have a wonderful week, too! 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Բարի գալուստ Առլեն Շահվերդյանի գրական բլոգ / Welcome to Arlen Shahverdyan’s Literary Blog

Գնիր իմ էլեկտրոնային գրքերն ԱՅՍՏԵՂ / Buy my eBooks HERE

«Ապրելու իրավունքը»՝ Կոնգրեսում / The “Right to Live” in Congress

Հարցազրույցներ և տեսանյութեր / Interviews and Reportages

Հայկական աշխարհագրական նախագիծ (Armenian Geographic Project)

«ԿՐԹԱՐԱՆ ՍՈՆԱ» / ”Sona” center

«Գրքամոլ» նախաձեռնություն

Արսինե Շահվերդյանի բլոգը / Arsine Shahverdyan’s Blog

Բոլոր գրքերս՝ մեկ էջում / All my books on one page

WWF-Հայաստան / WWF-Armenia

Բացառիկ գիրք առյուծի մասին / A unique book about lion

Կանայք՝ ներշնչանքի աղբյուր / Women as a source of inspiration

Այցելություններ / Visits

Այցելություններ աշխարհից / Visits from the world

free counters

Էջադիտումները / Pageviews

  • 664,372 այցելություն / visit

Բլոգի հեղինակային իրավունքները պաշտպանված են, 2016 / The Blog is copyright protected. All Rights Reserved, 2017

Copyrighted.com Registered & Protected 
ZOTR-BKDE-G1F0-3INY
%d bloggers like this: