Առլեն Շահվերդյան

Home » Իմ բանաստեղծությունները / My poems » Բանաստեղծի կտակը / The Poet’s Testament

Բանաստեղծի կտակը / The Poet’s Testament

Բանաստեղծի կտակը

Գարնան փետրավոր գրիչն իմ սիրո
Թաթախում եմ լուռ աշնան թանաքում,
Նայելով իջնող դեղին տերևին՝
Մտքերիս թևով ելնում եմ վերև՜,
Բան ունեմ հիմա ասելու ես քեզ,
Միտք եմ կուտակել գիշերում անքուն,
Պաղ է իմ շուրջը, բայց ներսում՝ հրկեզ
Ու սիրաբորբո՜ք կտակ եմ գրել:

Բացում եմ ես այն ու թերթում հիմա,
Կարդում եմ, թե քեզ ինչ եմ կտակում…

Կտակում եմ քեզ հավերժությո՜ւնը,
Որ այսուհետև նրա հետ խոսես միմիայն «Դու»-ով,
Թողնում եմ քեզ մեծ փառքի՜ ճանապարհ,
Ես ստուգել եմ այն, անցի՛ր դրանով,
Անցիր համարձա՛կ, սիրո՜վ, ավյունո՜վ:
Ի՜նչ էլ, որ լինի, ինչու, ինչ գնով՝
Չհուսահատվե՛ս,
Անբարեփորձը ճանաչիր փորձո՛վ,
Փուշ տրորելով ճանապա՛րհ հարթիր,
Գորշը զարդարիր կենդան խոլորձո՜վ,
Անգամ թե ընկնես, վե՛ր կաց ու հաղթի՛ր,
Պարզի՛ր գլուխդ հայացքով քո վե՜ս,
Շուրջդ բարությամբ փորձիր ողողել,
Քանի որ, սրտանց ու ամբողջ հոգով,
Հենց քե՛զ համար եմ կտակս գրել,
Շահել եմ գարնան շո՜ղը ամոքող,
Որ լուսավորված փորձես արարե՜լ,
Ներշնչա՜նք քաղես ձեռնասուն լույսից,
Չտրվե՛ս իզուր օգտագործելուն,
Ամեն բան դարսե՛լ եմ, հասե՛լ ու մարսե՛լ,
Որ անհո՜գ լինես ու տրվես միա՛յն
Ստեղծագործելո՜ւն:

Մի տեսակ նոր են հուշերն անցյալի
Ու թվում է, թե բորբոսնել են զուր,
Թող դա՛ էլ մնա կտակիս թևին,
Լուրերից՝ անլուր, շողերից՝ անշող,
Եվ այս խունացած էջի լուսանցքից՝
Օտար ու անդին,
Պարբերությունով մի վտարանդի,
Հետգրության մեջ՝ տողով ամոքող,
Կտակում եմ քեզ ներշնչանքի դո՜ղ,
Եվ վայելելու բերկրա՜նքը դրա,
Թողնում եմ նաև բյուրավո՜ր մտքեր,
Որ գործեր պիտի դառնային,
Ավա՜ղ,
Հիմա կտա՛կն են լցնում իմ հազիվ,
Վերջի՛ն ճգնումով ապրեցնող հույզի:

Գարո՜ւն է հոգում, թեև անձրև է,
Կաթիլազարկը շեղո՛ւմ է գրին,
Ես համոզում եմ, թե հոգուս խորքում
Գարնան զարթոնքի ազդարարո՜ւմն է,
Բայց աշնան խոնավ կտակի էջին
Տառերի թանաքը ձուլվել է ջրին,
Նայում եմ հեռվին, թարթիչներս՝ թաց,
Աչքերում լույսի կամա՜ց մարումն է:

Կարդում ես ամեն տողս կտակի,
Եվ գաղտնիքները՝ տողատակերում:

Կտակում եմ քեզ հորիզո՜նը լուրթ,
Որ երազանքի եզրագիծն է հար,
Թողնում եմ նաև չապրված հույզե՜ր,
Իմ չծիծաղա՜ծ ուրախությունը,
Ապրի՛ր դու կյանքը ու սիրիր այնպե՛ս,
Ինչպես սիրում է սի՜րտը սիրահար,
Կարդա՛, կտեսնես կտակիս վերջում
Թողել եմ սիրո հետգրությո՜ւնը:

Վե՛րջ, ստորագրո՛ւմ եմ իմ տողերի տակ,
Ամրագրո՛ւմ ուժով իրավականի,
Թողնում եմ ես քե՛զ մի բանաստեղծի
Վիթխարի՜ կտակ,
Եվ վստահելի բարեխղճությա՛նդ՝
Կատարումը իր:
Կյանքում ինչ կարդաս, ինչքա՜ն էլ ընտիր
Ու հետաքրքի՜ր քեզ թվան դրանք,
Սերը գովերգող տողե՜րն իմ սրտի
Դու հավե՜րժ պահիր՝ որպես կախարդա՜նք:
Եվ հավատարիմ ողողի՜ր սիրով,
Փայփայի՜ր դրանք քո անո՜ւշ հոգում,
Ինչպես, որ գարնան գրի՛չն իմ սիրո
Թաթախում եմ ես աշնա՜ն թանաքում:

Հեղինակ՝
Առլեն Շահվերդյան

© Գրել եմ՝ 29.09.2017 և 30.10.2017

Հարգելի Ընթերցող, այս բանաստեղծության հեղինակային իրավունքները պաշտպանված են, հետևաբար ԱՐԳԵԼՎՈՒՄ Է տեղադրել այն սոցիալական ցանցերում կամ այլ կայքերում՝ առանց բանաստեղծության հեղինակի անունը և սույն էջի հղումը նշելու:

To my foreign Readers – Dear all, I have the honor to introduce to you my new poem “The Poet’s Testament” (written on 29.09.2017 and 30.10.2017). I wrote this poem, inspired by life, love and all the beauty of the world. The poem is about poet’s inspiration, his literary heritage and the main message that he leaves to his reader, which is to respect and love the life in all its expressions, the literature, the art. The author tells his reader to be attentive to the world, to be kind to his environment and to spread love and peace. In the end of the poem the author expresses his sincere wish telling his reader to keep his poetry of love in his heart, even if he finds many other interesting works. Dear all, when writing this post I remember one of my author’s thoughts that I would like to add below (both in Armenian and English). Listen to this wonderful and thoughtful music – Samuel Barber, Adagio for Strings, and read the following text on the images, that are also one of the main headers of my literary blog. Respectfully, Arlen Shahverdyan.

__________________________________

ՈՒՇԱԴՐՈՒԹՅՈ՛ՒՆ. Սույն գրական բլոգի հեղինակային իրավունքների պաշտպանության վերաբերյալ
Սույն բլոգ-կայքի հեղինակային իրավունքները պատկանում են դրա հեղինակին՝
Առլեն Շահվերդյանին: Բլոգում տեղ գտած նյութերը պաշտպանված են Հեղինակային իրավունքով: Մեջբերումներ անելիս հղումը arlenshah.wordpress.com-ին պարտադիր է: Հեղինակային հոդվածների, գրառումների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց arlenshah.wordpress.com-ին հղման արգելվում է:

Գրական բլոգ | Ֆեյսբուք | Թվիթեր | Յութուբ
Առլեն Շահվերդյանի գրական բլոգ. «Տոն, որը միշտ քեզ հետ է»,- Էռնեստ Հեմինգուեյ
__________________________________

ATTENTION! About this Literary Blog Copyright Protection
Arlen Shahverdyan, the Author of this Blog possesses its Copyright. All the materials of this blog are Copyright protected. When quoting, the reference (link) to arlenshah.wordpress.com is compulsory. The partial or complete reproduction of the Author’s articles, posts or photos in other sites or Mass Media is prohibited without the reference to arlenshah.wordpress.com.

Literary blog | Facebook | Twitter | Youtube
Arlen Shahverdyan’s literary blog: “A moveable feast”,- Ernest Hemingway

Save the Planet Earth*
Մի տպեք այս էջն առանց անհրաժեշտության, մտածեք շրջակա միջավայրի մասին
Do not print out this page without need – think about the Environment

2 Comments

  1. Մելինե says:

    Աշունն իրոք ներշնչանք է իր գույներով , իր բույրով։
    Այդ ներշնչանքից ծնված ու մեզ հասած “կտակը” ` թեև հուզիչ էր , բայց` սպասված։
    ….Գարուն է հոգում, թեև անձրև է,…. թող հոգումդ միշտ գարուն լինի , թող թարթիչներդ թացվեն միայն ու միայն երջանկությունից։

    • Անչափ շնորհակալ եմ Մելինե ջան 🙂 Քո մեկնաբանությունն էլ այնքան գեղարվեստական շնչով էր, որ կարծես փոքրիկ ու անկեղծ արարում լինի 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Բարի գալուստ Առլեն Շահվերդյանի գրական բլոգ / Welcome to Arlen Shahverdyan’s Literary Blog

Գնիր իմ էլեկտրոնային գրքերն ԱՅՍՏԵՂ / Buy my eBooks HERE

«Ապրելու իրավունքը»՝ Կոնգրեսում / The “Right to Live” in Congress

Հարցազրույցներ և տեսանյութեր / Interviews and Reportages

Հայկական աշխարհագրական նախագիծ (Armenian Geographic Project)

«ԿՐԹԱՐԱՆ ՍՈՆԱ» / ”Sona” center

«Գրքամոլ» նախաձեռնություն

Արսինե Շահվերդյանի բլոգը / Arsine Shahverdyan’s Blog

Բոլոր գրքերս՝ մեկ էջում / All my books on one page

WWF-Հայաստան / WWF-Armenia

Բացառիկ գիրք առյուծի մասին / A unique book about lion

Կանայք՝ ներշնչանքի աղբյուր / Women as a source of inspiration

Այցելություններ / Visits

Այցելություններ աշխարհից / Visits from the world

free counters

Էջադիտումները / Pageviews

  • 664,472 այցելություն / visit

Բլոգի հեղինակային իրավունքները պաշտպանված են, 2016 / The Blog is copyright protected. All Rights Reserved, 2017

Copyrighted.com Registered & Protected 
ZOTR-BKDE-G1F0-3INY
%d bloggers like this: