Առլեն Շահվերդյանի գրական բլոգ

Home » Հայք / Armenia » Աղոթք. «Քրիստոս հարյավ ի մեռելոց». «Օրհնյալ է Հարությունը Քրիստոսի»

Աղոթք. «Քրիստոս հարյավ ի մեռելոց». «Օրհնյալ է Հարությունը Քրիստոսի»

Աղոթք

Հանուն Հոր և Որդվո և Հոգվույն Սրբո
Եվ Լույսի` չարիքի հետքերը սրբող
Եվ մաքրագործող անբասիր Ոգու
Որ բուժում է ու վերքերն ամոքում,
Որ ներշնչում է Հույս, Հավատ ու Սեր
Եվ մութ հոգու մեջ վառում է լույսեր:
Աղոթում եմ քեզ, Հա՛յր մեր երկնային
Այս նվիրական, անձնական պահին,
Երբ հաղորդակից դարձրել ես հոգուս
Քո հավերժական Լույսին դրախտային:
Երբ խոսքերս իրենք ծնվում են հիմա`
Սեր խոստովանելով լուսե Բարձրյալին,
Երբ պարզորոշ են դառնում, ակամա,
Անբացատրելին ու անիմանալին:
Տե՛ր` իմ ոգեղեն խանդավառության
Տե՛ր` իմ հավատքի` զորեղ, անկոտրում
Պարգևիր մեզ Սեր` պտուղ Էության
Պահպանիր խնդրում եմ Սերը մեր սրտում:
Թող որ Փրկչի քո անբասիր Լույսով
Միշտ անէանան շողքերը չարի
Թող որ կենսատու, անսահման Հույսով
Մեր գոյությունը Բարին արարի:
Քո մաքրագործող Հավատքով լուսե
Ներդաշնակ ապրենք Մայր Բնության հետ
Եվ կարողանանք տեսնել ու լսել`
Արժեվորելով Ճշմարիտն հավետ:
Եվ խնդրում եմ քեզ պահպանիր Կյանքը
Իմաստավորիր Գոյը երկրային,
Որ վայելելով կյանքի հմայքը
Միշտ արժանանանք Լույսին երկնային:

Բանաստեղծության հեղինակ` Առլեն Շահվերդյան, 11.02.2002-06.04.2012
© Բոլոր իրավունքները պաշտպանված են:
The Author of the Poem: Arlen Shahverdyan. © All Rights Reserved, 2012 

Այս բանաստեղծությունը գրել եմ ի փառավորումն և ի նշանավորումն քրիստոնեության մեծագույն և նշանակալի տոնի, այն է` Քրիստոսի հրաշափառ Հարության կամ Սուրբ Զատկի: Սրտանց շնորհավորում եմ բոլորիս` «Քրիստոս հարյավ ի մեռելոց». «Օրհնյալ է Հարությունը Քրիստոսի»: Աստված բոլորիս Փրկիչ և Պահապան:

Սիրելի՛ բարեկամներ, սիրով ուզում եմ տեղեկացնել, որ այս բանաստեղծությունն ունի հետաքրքիր նախապատմություն: Բանն այն է, որ բանաստեղծության առաջին երկու տողերը գրել եմ ուղիղ 10 տարի առաջ` 2002 թվականի փետրվարին: 10 երկար տարիներ ես այդ երկտողը պահել եմ փոքրիկ թղթի վրա և, իհարկե, իմ սրտում ու մտքում: Պահելով ձեռագիրը և պարբերաբար մտքում վերադառնալով այդ երկտողին` ես կարծես իմ մեջ թանձրացնում ու վերարժեվորում էի այն, ինչ պիտի գրեի հետագայում: Փաստորեն 2002-ին դեռ ժամանակը չէր, որպեսզի ծնվեր այս բանաստեղծությունը և պետք էր ապրել 10 տարի, ավելի հասունանալ, ավելի փորձառու, ավելի իմաստավորված ու խորաթափանց նայել աշխարհին: Այդ երկտողը, կարծես, անընդհատ եփվում էր իմ մտքում: Եվ ահա 2012-ի ապրիլի 5-ի լույս 6-ի գիշերը ծնվեց այս բանաստեղծությունը վերջապես գրելու և այն Զատկի տոնին նվիրելու մտահղացումն ու ներքին ցանկությունը: Բանաստեղծությունը գրեցի ապրիլի 6-ի ուշ երեկոյան, մեկ շնչով: Հուսով եմ, որ այսքան տարի հետո այն ստացվեց, ստացվեց ուղեղումս ու սրտումս եփվելուց ու հասունանալուց հետո: Այն իմ` որպես Հայ Առաքելական Եկեղեցուն դավանող քրիստոնյա հայի անկեղծ արտահայտությունն է առ Հավատք, առ Աստված և նվիրումն է առ Հայ Առաքելական Սուրբ Եկեղեցի: Հուսով եմ, որ բանաստեղծությունս կարժանանա Ձեր նույնչափ անկեղծ գնահատանքին:
© Առլեն Շահվերդյան, 07.04.2012 

P.S. Սուրբ Տիրամոր և մանուկ Քրիստոսի պատկերը` Օշականի Սուրբ Մեսրոպ Մաշտոց եկեղեցում: Լուսանկարի հեղինակ` Առլեն Շահվերդյան, 2011 թ. սեպտեմբեր: Բոլոր իրավունքները պաշտպանված են:

Photo by Arlen Shahverdyan. © All Rights Reserved, 2011


10 Comments

  1. LUSINE says:

    AMEN!!!!!!!!!!!

    • Աստված պահապան բոլորիս Լուսինե ջան: Շնորհավոր Քրիստոսի հրաշափառ Հարության` Սուրբ Զատկի տոնը, ամենակաևոր և ամենամեծ խորհուրդը պարունակող տոնը քրիստոնեական դավանանքում: Խաղաղություն և բարօրություն քեզ ու քո ընտանիքին:

  2. Arxangelo says:

    Աստված Քեզ պահապան Առլեն ջան: Իրոք հոգու խորքից բխած մաքրամաքուր մի աղոթք էր…

    • Աստված պահապան բոլորիս, Արամ ջան: Քրիստոս հարյավ ի մեռելոց, Օրհնյալ է Հարությունը Քրիստոսի: Շատ շնորհակալ եմ քո բարի ու ջերմ արձագանքի համար:

  3. Araks Sevan says:

    Agotke amboxchagan e ev huzog.

  4. Հիանալի բանաստեղծություն` աղոթք, որն ապացուցում է քո մաքրամաքուր լինելը:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Բարի գալուստ Առլեն Շահվերդյանի գրական բլոգ / Welcome to Arlen Shahverdyan’s Literary Blog

Քաղաքական գիտության Հայաստանի ասոցիացիա / Political Science Association of Armenia

«OnlineRadio.am» կայք / “OnlineRadio.am” website

«ԿՐԹԱՐԱՆ ՍՈՆԱ» / ”Sona” center

Արսինե Շահվերդյանի բլոգը / Arsine Shahverdyan’s Blog

Բոլոր գրքերս՝ մեկ էջում / All my books on one page

WWF-Հայաստան / WWF-Armenia

Բացառիկ գիրք առյուծի մասին / A unique book about lion

«Ապրելու իրավունքը»՝ Կոնգրեսում / The “Right to Live” in Congress

Հարցազրույցներ և տեսանյութեր / Interviews and Reportages

Կանայք՝ ներշնչանքի աղբյուր / Women as a source of inspiration

Արմեն Մխեյանի բլոգը / Armen Mkheyan’s blog

«Առողջ սիրտ» կայքը / The website “Healthy Heart”

Այցելություններ / Visits

Այցելություններ աշխարհից / Visits from the world

free counters

Էջադիտումները՝ սկսած 2011 թ. ապրիլից / Pageviews since April, 2011

  • 556,385 այցելություն / visit

Բլոգի հեղինակային իրավունքները պաշտպանված են, 2016 / The Blog is copyright protected. All Rights Reserved, 2016

Copyrighted.com Registered & Protected 
ZOTR-BKDE-G1F0-3INY
%d bloggers like this: